मेरियट होटलबाट नवनिर्मित धरहराको दृश्यावलोकन गर्दै ओली–नेपाल
नेकपा एमालेका अध्यक्ष एवम् प्रधानमन्त्री केपी शर्मा ओली र वरिष्ठ नेता माधवकुमार नेपाल नागपोखरीस्थित मेरियट होटलको भेटघाट कक्षको झ्यालबाट सुन्धारामा नवनिर्मित धरहराको दृश्यावलोकन गर्दै ।
यसअघि दुबै नेताहरुबीच बुधबार बेलुकी पनि मेरियट होटलमै करिब दुई घण्टा ‘वान टु वान’ वार्ता भएको थियो ।
बुधबारको वार्तामा भेटघाट तथा छलफललाई भने निरन्तरता दिने सहमति भएको थियो ।
बिहीबार प्रधानमन्त्री ओलीसँग भेट्नु अघि वरिष्ठ नेता नेपालले आफूनिकट नेताहरूसँग बुधबार भएको कुराकानीका बारेमा ‘ब्रिफिङ’ गरेका थिए ।
-तस्बिर सूर्य थापा
