क्रोएसिया बराबरीमा रोकियो
५ असार २०७८, शनिबार ०४:१६
काठमाडौं । १६ औँ संस्करणको युरोकप फुटबलमा क्रोएसियाले बराबरी खेलेको छ । प्रतियोगिता अन्तर्गत दोस्रो खेलमा क्रोएसियाले चेक रिपब्लिकसँग बराबरी खेल्दै अङ्क बाँडेको हो ।
शुक्रबार राति भएको खेलमा क्रोएसियाले चेक रिपब्लिकसँग १–१ गोलको बराबरी खेलेको हो । हाम्पडेन पार्कमा भएको खेलमा चेक रिपब्लिकले अग्रता बनाएको थियो ।
खेलको ३७ औँ मिनेटमा प्याट्रिक शिकले पेनाल्टीमा गोल गर्दै चेक रिपब्लिकलाई अग्रता दिलाएका थिए । ४७ औँ मिनेटमा इभान पेरिसिचले गोल गर्दै क्रोएसियालाई हारबाट जोगाए ।
बराबरीसँगै समूह ‘डी’ मा रहेको क्रोएसियाले २ खेलमा १ अंक जोडेको छ । पहिलो खेलमा इङ्ल्यान्डसँग पराजित भएको थियो । यता चेक रिपब्लिकले २ खेलमा ४ अङ्क जोडेर समूहको शीर्ष स्थानमा छ ।
