आफ्नो गुटमा नलागेपछि अर्का पक्षका नेतामाथि ज्यान मार्ने प्रयास

जसपा विवाद चर्किएर एकअर्कामाथि भौतिक आक्रमणसम्म उत्रिएको छ । आफ्नो पक्षमा नलागेको भन्दै उपेन्द्र यादव समूहमा लागेका महेन्द्र राय यादव समर्थकले महन्थ समूहका अर्का नेतामाथि आक्रमण गरेका छन् ।

आफ्नो पक्षमा नलागेको भन्दै महेन्द्र समूहकी नेतृ रुही यादवका श्रीमान महम्मद हबिबुल्लाको ज्यानै लिने प्रयास गरिएको छ । यसअघि महन्थ समूहमा नै रहेका महेन्द्र राय यादव हाल उपेन्द्र समूहमा नै छन् ।

महेन्द्र समूहमा नभएको झोकमा केही समर्थकले रुही पनि आफूसँगै उपेन्द्र समूहमा नलागेको भन्दै आक्रमण भएका कुरो रुही निकट श्रोतले जनाएको छ । आक्रमणबाट रुहीका श्रीमान समेत गम्भीर घाइते भएका छन् । उनको अवस्था गम्भीर रहेको छ ।

आक्रमण गर्ने दुई जनालाई प्रहरीले नियन्त्रणमा लिएको छ ।