Lifestyle Portal
  •   ३० आश्विन २०७८, शनिबार

धनकुटामा पाँच जना जनप्रतिनिधि एकीकृत समाजवादीमा

२१ भाद्र २०७८, सोमबार १०:४७

लोकप्रिय

ईश्वर थापा, धनकुटा । धनकुटामा नेकपा (एमाले)का पाँच जना जनप्रतिनिधिले एकीकृत समाजवादी रोजेका छन् । आइतबार जिल्ला निर्वाचन कार्यालय धनकुटामा पुगेर उनीहरूले एमाले पार्टी छाड्दै नवगठित नेकपा (एकीकृत समाजवादी) पार्टी रोजेका हुन् ।

जिल्ला निर्वाचन अधिकृत सफल पोर्तेलले पाँच जना जनप्रतिनिधिले सनाखतका गरेको भए पनि निर्वाचन आयोगको निर्देशनअनुसार विवरण बताउन नमिल्ने बताए । यता, नवगठित एकीकृत समाजवादी पार्टीका धनकुटा अध्यक्ष अर्जुन राईले पाँच जनाले एमाले परित्याग गरेर एकीकृत समाजवादी रोजेको जानकारी दिए । राईका अनुसार एकीकृत समाजवादीमा जानेमा जिल्ला समन्वय समितिकी उपप्रमुख बंगला राई, पाख्रिबास नगरपालिका- ४ का वडा अध्यक्ष सोभित निरौला, साँगुरीगढी गाउँपालिका- ३ का वडा अध्यक्ष राजकुमार राई, महालक्ष्मी नगरपालिका- २ का सुरेन्द्र पौडेल र साँगुरीगढी गाउँपालिका- ३ का वडा सदस्य तिलविक्रम लिम्बू रहेका छन् ।

नेकपा एमालेका तर्फबाट धनकुटाका स्थानीय तहका जनप्रतिनिधि निर्वाचित उनीहरूले पार्टी विभाजनसँगै आइतबार औपचारिक रूपमा जिल्ला निर्वाचन कार्यालय धनकुटामा उपस्थित भएर नवगठित नेकपा (एकीकृत समाजवादी) पार्टी रोज्दै सनाखत गरेका हुन् । सरकारले हालै ल्याएको दल विभाजनसम्बन्धी अध्यादेशमा प्रदेशसभा सदस्य र स्थानीय तहका जनप्रतिनिधिले २१ दिनसम्म विभाजनबाट बनेको दल रोज्न पाउने व्यवस्था राखिएको छ।

निर्वाचन आयोगले दल बदल्न चाहने स्थानीय तहका जनप्रतिनिधिका लागि जिल्ला स्थित निर्वाचन कार्यालयमा २२ भदौभित्र सनाखत गराउनुपर्ने जनाएको छ। यस्तै, एकीकृत समाजवादीका धनकुटा अध्यक्ष राईले अन्य केही जनप्रतिनिधिले २२ गतेसम्ममा एकीकृत समाजवादीको पक्षमा सनाखत गर्ने जानकारी दिए । न्यूजकारखाना

प्रतिक्रिया दिनुहोस !
Loading comments...
सम्बन्धित खबरहरु

सन्तोष देवकोटा । भारतका प्रभावशाली दुई युवा नेता कन्हैया कुमार तथा जिग्नेश मेवाणीले मंगलबार राजनीतिको आगामी यात्राका लागि भारतीय कांग्रेस

प्रकाश तिम्सिना/न्युज कारखाना, सुनसरी । नेपाली कांग्रेसको १४औँ महाधिवेशनमा प्रदेश १ का दुई उपमहानगरपालिकाको नगर अधिवेशनमा पार्टी सभापति शेरबहादुर देउवा

काठमाण्डौ । दुई दिनभित्रै मन्त्रिपरिषद्लाई पूर्णता दिन सत्तारुढ गठबन्धन सहमत भएका छन् । आइतबार प्रधानमन्त्री निवासमा बसेको बैठकमा मन्त्रिपरिषद् विस्तार

गोर्खा । १४औं महाधिवेसनअन्तर्गत गोरखामा पालिकास्तरीय अधिवेशन सकिएको छ । शनिबार केही पालिकामा सर्वसम्मत र कतै मतदानमार्फत नेतृत्व छनौट गरिएको