Lifestyle Portal
  •   ७ कार्तिक २०७८, आईतवार

कांग्रेस अधिवेशन : जाजरकोटका ७७ वटै वडामा निर्विरोध नेतृत्व

२२ भाद्र २०७८, मंगलवार १०:२४

हेमन्त केसी, जाजरकोट, न्यूजकारखाना । नेपाली कांग्रेस जाजरकोट वडा तहमा निर्विरोध नेतृत्व चयन गरेको छ ।

कांग्रेसको १४औँ महाधिवेशनको पहिलो चरणमा जिल्लाका ७७ वटै वडामा निर्विरोध रुपमा वडा समिति र क्षेत्रीय प्रतिनिधि चयन भएका हुन् ।

कांग्रेस जाजरकोटका सभापति दिपकजंग शाहका अनुसार जाजरकोटमा ७७ वडा सभापतिसहित प्रति वडा १६ जनाका दरले १ हजार ३०९ क्षेत्रीय प्रतिनिधि छानिएका हुन् । वडा समितिमा २८ जनाका दरले ७७ वडाबाट २ हजार १५६ जना पदाधिकारी तथा सदस्य चयन भएका छन् ।

क्षेत्रीय प्रतिनिधिले पालिका कार्यसमिति, प्रदेश निर्वाचन क्षेत्रीय कार्यसमिति, प्रदेश महाधिवेशन प्रतिनिधि, संघीय महाधिवेशन प्रतिनिधि र जिल्ला कार्यसमितिका लागि चुनाव लड्ने पाउँछन् । जिल्लामा २७ भदौमा गाउँ, नगर, १ असोजमा प्रदेशसभा क्षेत्र र ५ असोजमा जिल्ला अधिवेशन हुँदैछ ।

जिल्ला सभापतिमा चार जना आकांक्षी
जिल्ला सभापतिमा चार जनाले आकांक्षा देखाएका छन् । संस्थापन पक्षबाट हालका उपसभापति सर्पराज रावत एक्ला उम्मेदवार देखिएका छन् उनलाई पूर्वसांसद राजिवविक्रम शाहसहितले सर्मथन गरेका छन् ।

संस्थापनइतर समूहबाट वेदराज सिंह, मुक्तिप्रसाद आचार्य र इलमबहादुर शाहीले आकांक्षा देखाएका छन् । जिल्ला सभापति शाह संस्थापनइतर समूहबाट एक जना मात्र उम्मेदवार बनाएर चुनाव लडाउने पक्षमा छन् ।

प्रतिक्रिया दिनुहोस !
Loading comments...
सम्बन्धित खबरहरु

सन्तोष देवकोटा । भारतका प्रभावशाली दुई युवा नेता कन्हैया कुमार तथा जिग्नेश मेवाणीले मंगलबार राजनीतिको आगामी यात्राका लागि भारतीय कांग्रेस

प्रकाश तिम्सिना/न्युज कारखाना, सुनसरी । नेपाली कांग्रेसको १४औँ महाधिवेशनमा प्रदेश १ का दुई उपमहानगरपालिकाको नगर अधिवेशनमा पार्टी सभापति शेरबहादुर देउवा

काठमाण्डौ । दुई दिनभित्रै मन्त्रिपरिषद्लाई पूर्णता दिन सत्तारुढ गठबन्धन सहमत भएका छन् । आइतबार प्रधानमन्त्री निवासमा बसेको बैठकमा मन्त्रिपरिषद् विस्तार

गोर्खा । १४औं महाधिवेसनअन्तर्गत गोरखामा पालिकास्तरीय अधिवेशन सकिएको छ । शनिबार केही पालिकामा सर्वसम्मत र कतै मतदानमार्फत नेतृत्व छनौट गरिएको