अब नेपालले भारत बाहेक अन्य देशमा पनि विद्युत निर्यात गर्न सक्ने
अब नेपालले भारतीय बाहेक अन्य देशमा पनि बिजुली बेच्न सक्ने छ । भारतले क्रसबोर्डर बिद्युत व्यापार निर्देशिका परिवर्तन गरिसकेकाले अब भारतीय ट्रान्समिसन लाइन मार्फत नेपाल सहित अरु विभिन्न देशले पनि भारतीय प्रसारण लाइन मार्फत सहमतिका आधारमा आफ्नै ट्रान्समिसन लाइन बनाएर बिजुली बेच्न सक्ने उर्जामन्त्री बर्षामान पुनले जनाउनु भयो ।
उहाँले यस विषयमा भारतसँग गहिरो छलफल भैरहेको पनि बतानुभयो । हाल नेपाल देखि बंगलादेशसंग जडान गर्ने ट्रान्समिसन लाइन उच्च प्राथमिकमा रहेको उहाँको भनाई छ । बंगलादेशले माथिल्लो कर्णालीबाट पाँच सय मेगावाट बिजुली किन्ने सहमति गरिसकेको कुरा पनि जनाउनु भएको थियो।
भारतले निर्देशिका परिवर्तन गरिसकेपछि अव नेपालले बिजुली कहाँ बेच्ने भन्ने चिन्ता नभएको उहाँले बताउनुभयो । पहिले बिजुली किन्न भारतीय कम्पनीको ५१ प्रतिशत लगानी हुनैपर्ने नियम भएकोमा हमल लगानी जसको भए पनि किन्न सकिने ब्यबस्था सहित भारतले निर्देशिका परिवर्तन गरेको छ ।