युवाहरु भ्रष्टाचार बिरुद्धको अभियानमा
१३ पुष २०७५, शुक्रबार १७:०४
खराब आचरण ब्यक्तिद्धार आफनो पेशा तथा पदको गलत प्रयोग गर्नु भ्रष्टाचार हो । सरकार, न्यायलय तथा संसदमा भएका ब्यक्तिद्धारा पदको दुरुपयोगका कारण भ्रष्टाचार मौलाउदै गएको छ । भ्रष्टाचारको कुराहरु बेलाबेलामा आएपनि नेता तथा नेतृत्वको दबाबले सजाएको लागि कानुनी कठघरामा ल्याउन समस्या देखिएको छ । भ्रष्टाचार नियन्त्रणमा सम्पुर्ण नागरिकले चासो र चिन्ता लिनु आवश्यक छ । विशेषता युवा वर्गहरुले यस गम्भिर विषयमा अभियानका साथ लाग्नु पर्ने देखिन्छ ।
यसै क्रममा “युवाको जिम्मेवारी भ्रष्टाचार बिरुद्धको अभियान जारी” भन्ने मुल नाराको साथ युवा को आयोजना तथा रोट्याक्ट क्लब अफ अन्नपुर्ण र रोट्याक्ट क्लब अफ फिस्टेलको संयोजनमा भ्रष्ट्राचार बिरुद्धको कार्यक्रम सम्पन्न गरिएको छ । कार्यक्रममा भष्ट्राचार नियन्त्रणमा युवाको भुमिकाको बिषयमा छलफल गरिएको पोखरा रोट्याक्ट क्लव अफ अन्नपूर्णका प्रेसिडेन्ट ईलेक्ट रोहित गिरिले जानकारी गराउनु भयो ।
