अफिसअर्थात तपाईको कार्यालय जहाँ तपाई दिनको लगभग आठ घण्टा समय बिताउनु हुन्छ । आर्थिक पक्ष तपाईको अफिससँग जोडिएको हुदा यसको महत्व रहेको छ । अफिसमा विभिन्न कारणले गर्दा कार्यगर्न कठिन भइरहेको हुन्छ । राजनैतिक, सामाजिक तथा व्यवहारिक कारणले गर्दा अफिसको बातावरण असहज हुन सक्छ । प्राय धेरै मानिसहरुमा यसप्रकारको समस्या देखिएको हुन्छ कि अफिसका अन्य कर्मचारीसँगको सम्बन्ध राम्रो हुदैन । सबै अगाडि बढ्न चाहान्छन जसले गर्दा पनि यस प्रकारको दौड देखिनु स्वभाविक हो । यस्तो अवस्थामा अन्य कर्मचारीसँगको सम्बन्ध सुधारको लागि निम्न उपायहरु अपनाउन सकिन्छ । जसले तपाईको कार्यालयको अवस्थामा परिवर्तन ल्याउछ र सहकर्मीसँगको सम्बन्धमा बृद्धि हुन्छ ।

सँगै खाजा खाने
तपाईले खाजाको समयमा एक्लै खाने बानी छ भने तुरुन्तै यस्तो बानी हटाउनु पर्ने हुन्छ । खाजा खाने समयमा तपाईसँग काम गर्ने साथिहरु चाहे तपाईभन्दा माथिल्लो तह वा तल्लो तहमा काम गर्ने नै किन नहोस सँगै खाजा खाँदा काम बाहेक अन्य प्रसङ्गका कुराहरु हुन सक्छन । चिया पिउँदै गर्दा पनि नजिकिन सकिन्छ ,तर यसप्रकारका कुराहरु सधै भन्दापनि कहिलेकाही गर्नु पर्दछ ।

राजनीतिबाट टाढा
हामी सबैलाई थाहा छ, यहाँ सबै कार्यालयमा राजनैतिक कुराहरु बढि हुने गर्दछन । राजनैतिक कुरा तथा कर्मचारीहरु बिचको राजनैतिकका कारणले द्धन्द सिर्जना हुन सक्छ । त्यसकारण यस्ता चिजहरुबाट टाढा बस्नु उचित हुन्छ । अफिसमा काम गर्ने हो तयसैले राजनिति गर्ने षडयन्त्र गर्ने कुराले राम्रो सम्बन्धको सिर्जना हुन सक्दैन ।

तपाईको काम गर्ने तरिका
यदि तपाई अफिसमा आफनो काम सही तरिकाले गर्नु हुदैन भने तपाईलाई समस्या आउँन सक्छ । तपाईलाई दिइएको वा तपाईको जिम्मेवारीको काम समयमा पुरा नगर्दा अन्य सहकर्मीलाई समेत प्रत्यक्ष वा अप्रत्यक्ष रुपमा प्रभाव पर्दछ । तपाईले गर्ने काममा कसैले गल्ती देखाउने ठाँउ नरोहोस त्यसैले राम्रो र समयमै आफ्नो काम गर्न जरुरी हुन्छ । तपाईले गरेको कामको उत्कृष्ट नतिजाको अरु कर्मचारीद्धार समेत प्रभावित हुने गर्दछन, जसले गर्दा तपाई प्रतिको सम्मानमा वृद्धि हुन्छ र सम्बन्धमा सुधार आउँछ ।

सहयोग
प्राय देख्न पाईन्छ कि प्राइभेट अफिसहरुमा अधिक काम हुने गर्दछ र काम सक्न धेरै समय लाग्छ । कहिलेकाही सबैको काम नहुन पनि सक्छ यस अवस्थामा अन्य साथीलाई काममा सहयोग गर्न सकिन्छ जसलाई कामको अधिक भारले समस्या गरेको हुन्छ । जसले तपाईको सम्बन्ध लाई बलियो बनाउन समेत सफल हुन्छ ।

पारिवारिक भेट
यदि तपाई कुनै अफिसको सम्बन्धलाई अझै बढाउन चाहानुहुन्छ भने तपाईका मिल्ने साथिहरुलाई घरमा भेटघाटको लागि बोलाउन सक्नु हुन्छ । तपाईको परिवारसँगको भेटघाटले सम्बन्धलाई नयाँ आयाम लिन्छ । साथै बिभिन्न पिकनिक, घुमघाममा समेत मिलेर जान सकिन्छ ।