नेपाल कलाकारिताले निकै भरिपुर्ण देश अनि विधिध यस्तै कथाहरुको इतिहाँसले सम्पन्न मुलुक जस्लाई सौन्दर्यताको पुर्ण बर्णन गर्न सकिने शब्द नै छैनन् । नेपाललाई सुन्दर देखाउनका लागि नेपाली प्राकृतिक भुमि मात्र नभई नेपाली कलाकारहरुको पनि बेजोड योगदान रहेको छ ।

यस्तै कलाकारको रुपमा विभिन्न उत्कृष्ट चित्र बनाउन सक्षम प्रतिभावान ब्यक्ति रत्नमान गुरुङ को कुरा गरौं । उहाँलाइ धेरैले रोहन गुरुङ भनि चिन्ने गर्दछन । नेपाल ललितकला क्याम्पसमा ब्याचलर इन फाइन आटर्समा अध्यनरत रोहनको घर धादिङमा हो, हाल उनी काठमाण्डौमा बस्दै आएका छन ।

उनी विभिन्न स्थानमा गई तस्विरहरुको चित्रण गर्ने गर्दछन । उनी यो तस्विर विक्री पनि गर्दछन । एउटा तस्विरको रु. एक हजार देखि पन्ध्र हजार सम्म लिएको उनी बताउँछन । उनी आफ्नो पारिश्रमिक मेहेनतको आधारमा लिने गर्दछन । मुख्य ग्राहक विदेशी रहेको बताउने रोहन अर्डर लिएर चित्र बनाउने गर्दछन, अनि स्कुलमा आटर्स कक्षा पनि लिने गर्दछन । उनी एक जनाको पेन्सिल स्केच गरेको रु पाँच हजार लिने गर्दछन । हाल सम्म करिव एक हजार चित्र बनाइसकेका रोहन आफ्नो खर्चबाट केहि रकम बचाएर घर समेत पठाउने गर्दछन ।

उनी नेपाली मौलिक संस्कृति झल्कने चित्रका साथै प्रकृतिको चित्रण हुने हिमाल पहाड अनि झरना हरुको पनि उत्कृष्ट चित्र मार्फत प्रस्तुत गर्न रुचाउँछन । पेन्सिल स्केच, आर्यलिक पेन्ट, ओएल पेन्ट, चारकोल कलरिन, कलर पेन्सिल स्केच जस्ता चित्रहरु बनाउने रोहन नेपालको सौन्दर्यता झल्काउन सिपालु देखिन्छन । यो चित्रले नेपालको पर्यटन तथा कलाकारिता क्षेत्रमा निकै योगदान पुग्ने रोहनको भनाई छ । ।

उनका अनुसार केहि समय अगाडी नेपालमा कलाकारिताको खासै उन्नति थिएन । आजभोली भने स्कुलहरुमा पनि यस्तो कक्षाहरुको शुरुवात हुँदै गएको छ । विद्यार्थीहरु पनि बढ्दै गएका छन । उनी शिप सिके देशमै नाम पनि काम पनि कमाउन सकिने कुरामा विश्वस्त छन ।

हेरौं रोहनका कलात्मक मन छुने चित्रहरु