नेपालको बैँकहरुको बैंक तथा वित्तिय संस्थाको संरक्षक नेपाल राष्ट्र बैंकले रु १ अर्ब ४८ करोड ३५ लाख वित्तिय संस्थामा लगानी गर्ने भएको छ । ३ सय ६४ दिने मुद्दति निक्षेपमा त्रैमासिक रुपमा ब्याज भुक्तानी हुने गरी लगानी गर्ने बताइएको छ । बैंकले माघ २ गतेबाट २०७६ पुस २९ गतेसम्म मुद्दति निक्षेपमा राख्न लागेको हो ।

राष्ट्र बैंकका अनुसार ‘क’ वर्गका वाणिज्य बैंकहरुमा १ अर्ब १८ करोड ६८ लाख ‘ख’ वर्गका राष्ट्रियस्तरका विकास बैंकमा २२ करोड २५ लाख र ‘ग’ वर्गका राष्ट्रियस्तरका वित्त कम्पनीहरुमा ७ करोड ४२ लाख रुपैयाँ लगानी गर्नेछ ।

निक्षेप संकलन गर्न चाहने बैंक तथा वित्तीय संस्थाले आगामी आइतबार दिनको ३ बजे भित्र प्रस्ताव गरेको ब्याजदर खुलाई शिलबन्दी दरभाउपत्र सम्बन्धी फाराम बुझाउनु पर्ने उल्लेख गरिएको छ ।