गत हप्ता नेपालले आफ्नै स्याटलाइट प्रक्षेपण गर्ने खबर सुनेर हामीहरु धेरै खुशी अनि रोमाञ्चीत भएका थियौं । नेपालको नयाँ खाँकाको परिकल्पना गर्दा प्रविधी अनि आविष्कारहरु हामीले साथै लिएर जानु पर्न जरुरी देखिन्छ । गतवर्ष विश्वभरि नै चमत्कार मचाउने गरि सोफिया नामक रोबोटको निकै चर्चा रह्यो । सोफिया नेपाल पनि ल्याइएकी थिइन अनि उन्को चर्चा नेपालमा पनि बिशेष रह्यो ।
बद्लिँदो परिवेशमा नेपालीहरुको प्रविधीसंगको निकटता बढ्दै गएको पाइन्छ । आजको बिश्व प्रविधी अनि नवप्रर्वतनहरुको अद्भूत संगालो बोकेर दौडिरहेको छ अनि ति कुराहरु अनि ज्ञानहरु हामीले बिध्यालयस्तरबाटै बिधार्थीहरुमा दिन सक्नु पर्ने आवश्यक्ता छ ।
केहि दिन अघि राजधानीको एउटा स्कुलमा केही यस्तै भयो जसले सबैलाई आश्चर्यचकित बनायो । काठमाण्डुको कलंकीमा रहेको पिनाकल स्कोलर्स अकाडमीमा बिधार्थीहरुले बनाएको रोबोटको प्रर्दशनी गरियो । ढाकाको कपडामा बेरिएकी यि रोबोटलाई दिदि नाम दिइएको छ ।

रोबोट दिदिलाई नेपालकै प्रथम अध्ययन सहचारी रोवोटको उपाधी दिइएको छ किनभने यस्ता रोबोट नेपालमा यसअघि नबनेको बताइन्छ । अब यस रोबोटलाई कक्षाकोठाहरुमा बिधार्थीलाई पठनपाठनको सहजताका लागि प्रयोग गरिने बताइन्छ । पिनाकल स्कोलर्स एकेडमीको यो रोबोट पिनाकल रोवोटिक्स ल्याबको शोध अनि अन्वेषणको उपज रहेको बताइन्छ । यसरी बालबालिकालाई बिध्यालय स्तरवाटै प्रविधी अनि आविष्कारको बिषयमा हौसला, प्रयोगात्मक सीप अनि जिज्ञासु बनाउन सकिएमा भविष्यमा उनीहरु प्रविधी अनि आविष्कारको क्षेत्रमा थप उत्प्रेरित हुने बताइन्छ ।

कक्षा १० का बिधार्थी लोशन पराजुली, कन्चन पोखरेल, बिशाल खरेल अनि ओशिन दुराले निर्माण गरेका पढाउने रोबोट दिदि समग्र नेपाली बिधार्थीहरुका लागि पनि प्रेरणा हुन सक्दछ । आविष्कार या प्रविधीगत कुराहरु निकै खर्चिलो र पहुँचबाहिर रहेको भन्ने तर्कहरु एकातर्फ आइरहँदा रोबोट दिदि ले चाहना र साथ भएमा एउटा बिध्यालय अनि बिधार्थीहरु ले नै रोबोट उत्पादन गरेर पठनपाठनमा सहजता ल्याउन सक्ने पुष्टि गरेको छ । एक लाख नेपाली रुपैंयामा उक्त रोबोट तयार भएको अनि अब दिदि ले कक्षाकोठामा गएर भिडियोका मार्फत बिधार्थीलाई पढ्न अनि बुझ्न सहजिकरण गर्ने बताइन्छ । यस रोबोटको उचाई भने ४ फिटको रहेको छ ।

भिडियो हेर्नुहोस्