Lifestyle Portal
  •   १७ असार २०७९, शुक्रबार

मेलिना राईको आवाजमा ‘कति बोलाउ निर्मोहीलाई’ को छायाङकन अमेरीकामा सम्पन्न

१३ माघ २०७५, आईतवार २२:२२

छाँयाकार सुरेन्द्रमान सिंह देब्रेबाट दोश्रो साथमा निर्देशक नारायण पुरी

अमेरीकाको रमणीय शहर टेक्ससको युलेस वरपर चर्चित गायिका मेलिना राईको स्वरमा सजिएको कति बोलाउ निर्मोहीलाई… बोलको गीतको म्युजिक भिडियो छायाङकन सम्पन्न भएको छ । रमेश एमके पौडेलको शब्द रचनालाई नेपाली चलचित्रका सुपरहिट निर्देशक नारायण पुरीले निर्देशन गरेका हुन भने लोकप्रिय नेपाली साङ्गीतिक समूह ‘कर्मा ब्याण्ड’का लिड भोकलिष्ट सुरेन्द्रमान सिंहको छायाँङ्कन रहेको छ । भिडियोलाई बद्री लामिछानेले सम्पादन गदैछन् ।

रचनाकार पौडेलले यसअघि सफल चलचित्रहरु रुद्रप्रिया, राज्जा रानी लगायत दर्जनौं चलचित्र निर्माण गरिसक्नु भएको छ । पौडेल नेपाली रेडियो, टेलिभिजन तथा डिजिटल टेलिभिजन अध्ययन तथा स्थापनामा एउटा स्थापित संचार उद्यमी हुनुहुन्छ । निरन्तर साहित्य सृजनामा सक्रिय लेखक पौडेलका अन्य गीतहरु पनि सार्वजनिक हुने तयारीमा छन् ।

रचनाकार रमेश एमके पौडेल

लाइभमाण्डूसंग कुराकानी गर्दै निर्देशक नारायण पुरीले भन्नुभयो, “रमेशजीको शब्दमा जीवन देखें, यथार्तपरक शब्दहरुले मन छुन्छ जसलाई डा किरातको सङ्गीतमा मेलीना राईको स्वरले प्राण भर्ने काम गरेको छ । शब्दसंग नजिक रहेर भिडियो निर्देशन गरेको छुँ, भिडियो राम्रो बनेको छ ।”

टेक्सासका तालतलैया देखि विभिन्न रमणीय स्थलहरुमा छायाँङ्कन गरिएको यस गीतमा दर्जनौ म्यूजिक भिडियोमा अभिनय गरेकी सुनिक्षा मैनालीले अभिनय गरेकीछिन । भर्जिनिया बस्दै आएकी मोडल मैनाली म्यूजिक भिडियोकै लागि टेक्सस आएकी हुन । यस अघि उनी नेपाली चलचित्रका अभिनेता दिलिप रायमाझीदेखि अन्य धेरै चर्चित अनुहारहरुसंग भिडियोमा अभिनय गरी सकेकी छिन् । उनको जोडीका रुपमा राकेश सहनी देखिएका छन् ।

रमेश एमके पौडेलको शब्द रचना रहेको गीतलाई BODHI HD को निर्माण तथा 8848 मिडिया हाउसले सहकार्य गरेको छ । लाइभमाण्डूसंगको कुराकानीमा BODHI HD का निर्देशक तथा यस गीतका रचनाकार पौडेलले “गीतको प्रोमोसन देखि बजार व्यवस्थापन, प्रशारण लगायतको काम गर्नेछ । हामी चाँडैनै यो भिडियो हाम्रो YouTube च्यानल (https://youtube.com/bodhihd) बाट सार्वजनिक गर्नेछौं” बताउनुभयो ।

डा किराँतको संगीत रहेको गीतसंगै पौडेलको रचना सहितको ५ वटा गीत समावेश रहेको एल्बम ‘सम’ छिट्टै बजारमा आउँदैछ । एल्बममा रामकृष्ण ढकाल, राजेश पायल राई लगायतको स्वर तथा कन्काईष्ट राईको सङ्गीत रहेको छ । गीतकार पौडेलले टेक्ससमा बसेर अनलाईन टिभी, रेडियो तथा म्युजिक भिडियो तथा चलचित्र निर्माण सम्बन्धी काम गदै आएका छन् ।

प्रतिक्रिया दिनुहोस !
सम्बन्धित खबरहरु

लोकप्रिय पोखरेली सांगीतिक ब्यान्ड ‘कन्दरा’ र ‘नेपग्याज्म लाइभ इभेन्ट’ (एनएलई) कम्पनीबीच व्यवयसायिक सम्झौता भएको छ । २०७९ असार ७ गते

भारतका माननीय रेल मन्त्री र माननीय पर्यटन मन्त्रीले आज संयुक्तरुपमा दिल्ली रेल्वे स्टेसनमा हरियो झण्डा देखाई भारत र नेपाल जोड्ने

भारतीय सांस्कृतिक सम्बन्ध परिषद्का अध्यक्ष डा. विनय सहस्रबुद्धेले यही मिति २०७९ जेठ ३१ देखि असार २ गते सम्म काठमाडौं भ्रमणका

भारत सरकारको अनुदान सहयोगमा निर्माण भएको श्रीफौद सिंह जनता मावि, लालबन्दी नगरपालिका–१७, रानीगञ्ज, सर्लाही जिल्लाको दुईतले भवनको उद्घाटन सम्पन्न भएको