Lifestyle Portal
  •   १५ मंसिर २०७८, बुधबार

कुसुमको अनलाईन डेट

२२ माघ २०७५, मंगलवार १०:३०

लोकप्रिय

कुसुम नाम परिवर्तन सुनसरी जिल्लामा बस्दछिन् । अविवाहित उनी फेसबुक र मेसेन्जरमा निकै सक्रिय र त्यहाँ धेरै साथी भएकी आईडी चलाउछिन् । कुराकानी अनि फेसबुक चलाउने क्रममा एकजना राम्रो अनुहार भएको साथीको रिक्वेस्ट आयो । उनीहरु साथी भए र दिनँहुजसो उक्त आइडीका साथीसंग कुरा हुन थाल्यो । वडो मज्जाको र प्रेमपूर्ण कुरा हुँदै जाँदा कुसुक उक्त आइडीका प्रयोगकर्तासंग नजिक भइन्, दैनिकी नै ति मान्छेसंग या भनौं यूजरसंग कुरा नगरि नबित्ला जस्तो हुन थाल्यो । ति प्रयोगकर्ताले कुसुमलाई कुरा अनि विचारबाट यति सम्म प्रभाव पार्दै गए कि कुसुम मनमनै तिनलाई आफ्नो दिल नै दिने सम्म भइसकेकिथिइन् ।

अनलाईन त्यस धरातल हो जहाँ देखाउन चाहेका कुराहरु मात्र देखिन्छ । यथार्थका खुराकहरु अनलाईनका माकुरे जालहरुमा बुनिने गरिँदैनन् । अनलाईनको भाषा सबैले बोलेका छन् तर कसैले यस भाषा सिकाँउदैन्, तपाईले आफ्नो स्वविवेक अनि ज्ञान प्रयोग गरेर आफ्नो अनलाईन समबन्ध या परिपेक्ष्य स्वयम निर्धारण गर्नुपर्नेछ । नत्र आजभोली नराम्रो देखिन छाडिसके, अनलाइनमा । राम्रा तस्वीरहरु फिल्टर प्रयोग गरेर , लाइट मिलाएर र पोजिशन मिलाएर राखिन्छन् अनि लाग्छ कि आजभोली नराम्रा या कम राम्रा कोही छैनन् । अनलाइनमा नराम्रो देखिन पाप हो र ? सबैजना छाँयाको भ्रममा छन् । अनलाइनमा सबैजना राष्ट्रप्रेमी, कवी, दार्शनिक वैचारीक अनि भविष्यवेत्ता देखिन्छन् अनि वाटावाटामा फोहोर फाल्दै र दुई रुपैयाँमा पनि ठग्दै हिडिदिने पनि हामीहरु मध्य नै छौं ।
अनलाईनमा मान्छेहरु भूत झैं हुन्छन् कहिलेकाँही । बोल्यो, लाइक्स अनि कमेन्ट गर्यो, आफ्नो बनायो तर कुनै समयमा जब आफूलाई त्यो यूजर या फ्रेण्ड अत्याधिक चाहिएको हुन्छ तब उ भूत भईदिन्छ । घोस्टीगं अत्याधिक कमन छ, अनलाईन कल्चरमा । आखिर एउटा अनलाईन प्रयोगकर्तालाई अर्को अनलाईन प्रयोगकर्ता संगको समबन्धको लचिलोपना र दिर्घायूपना कायम गर्न कुनै नियम या सामाजिक बन्धन पनि त छैन ।

कुसुमका साथी विदेशमा रहेको भनेंकाले दुइजना बिच भेटघाट त भएन तर भेट्ने पायक मौकाको खोजिमा दुबैजना थिए । सुस्तरि उनीहरुले आआफ्ना भिडियो, गोप्य कुराहरु अनि अत्यन्त गोप्य तस्वीरपनि शेयर गर्न थाले । कुसुमले भर्चुअल संसारलाई यति अपनत्व दिइन कि क्रमश अब त्यो प्रयोगकर्ताले कुसुमका ति तस्वीरहरु राखेर धम्क्याउने गर्न थाल्यो । थप तस्वीर र भिडियो नपठाए इन्टरनेटमा अरु तस्वीर र भिडियोहरु लिक गर्ने पटक पटकको चेतावनी पछि कुसुम आजित भएर अनि डराएर प्रहरीको शरणमा पुगेकि छिन् । कुसुमको बिषयको अनुसन्धान भइरहँदा हामीले पनि भर्चुअल संसारसंगको नाता र सिमालाई परिभाषित गर्ने समय आएको छ, कुसुम एउटा पात्र मात्र हुन तर यस्ता कथाहरु घरघरमा दोहोरिएको हामी पाँउदछौं । अनलाइन डेटहरु हानीकारक छन् र यसका नकारात्मक अनि जोखिमपूर्ण पाटाहरु हाम्रा केटाकेटीलाई थाहा छ त?

हाटबजार जाँदा, मेलापातमा अनि गोठालो जाँदा लुकामारी गर्दै अनि दशक अघिसम्म पत्रमित्रता मार्फत प्रेमील भेट अर्थात डेट गर्ने नेपाली चलनहरु अहिले आएर नयाँ पुस्तामा अनलाईन डेट तर्फ अघि बढिरहेको छ । हुन त ठुलाठुला नेपाली शहरहरुमा पनि अनलाईन डेटलाई उत्ति सहजताका साथ लिइएको छैन तथापी अनलाईनमा साथी अनि प्रेम खोज्ने नेपाली प्रयोगकर्ताहरुको जमात भने ठुलै छ । कति समाचार त हामीले पढेकै छौं नि, अनलाईन मार्फत समबन्ध बिस्तार गरेर ठगी गरेका अनि अनलाईन लाहुरेहरु अफलाईनमा चाउरे अनि दाउरे भएका भन्ने बिषयमा ।

जे होस्, भर्चुअल संसारमा असिमीत मित्रता अनि प्रेमका बिकल्पहरु भने छन् । अनलाईनमा समाज अनि भौतिक परिपेक्ष्यलाई बाइपास गरिन्छ, मान्छे आफ्नो ईच्छा र चाहनाले अनलाईन चौतारीमा आँउदछ र आफ्नै ईच्छाले निस्क्न्छ । एकदिन अघिको हल्लाखल्ला अर्को दिन शुन्यतामा पुग्दछ अनि शुन्यता चिर्ने कुनै खासै आधार पनि हुँदैन् । संगै काम गर्ने एकजना केटी अफिसमा बोल्दा लजाँउछिन अनि यसरी व्यबहार गर्छिन कि मानौं हामी एकअर्कालाई चिन्दैनौं । तर हरेक साँझ उनी जब अनलाईनमा शुरु हुन्छिन तब राती १२ सम्म उनी रोकिने नाम लिन्नन् । म उन्को जिवनको एउटा रहस्य हुँ, उनी अनलाईनमा त्यस रहस्यको समीकरण खोल्छिन तर अफलाईनमा उनी शुन्यतामै छिन् । यसक्रमलाई स्ट्यासीगं भनिने रहेछ, सामाजिक जिवनको भौतिक उपस्थितीलाई स्ट्यासीगं एउटा चुनौति नै हो, मान्छे २ चरित्र देखाँउदछन् । रातभरि मेरो पेट दुखाईका लागि शव्दका आँशु बगाउने उनी दिँउसो आमनेसामने मा चुप रहँदा उनको पाखण्डीपनाको यो चरित्रलाई म अनलाईनको नाम दिन्छु ।

केही हराएका अनलाईन साथीहरु कहिलेकाँही फेरि यसरी प्रकट हुन्छन कि मानौं उनीहरु कहिले हराएकै थिएनन् । लाग्छ समुन्द्रमा हराएको पन्डुबी फेरि सतहमा निस्केको छ । अनलाईनले मान्छे हराउने र भेटाउने काम गर्दछ । अनि जब म अनलाईनबाट दिक्क मानेर चियापसलमा साथीहरुसंग कुरा गर्न पुग्दछु तब प्रत्यक्ष जिवनमा पनि अनलाईनको भूत देखापर्दछ । हामी भेटघाटमा आफूसंग कम मोबाईलसंग धेरै बोल्दछौं । छेउको मान्छेलाई चिया कालो खाने कि सेतो भनेर सोध्न मोबाइल खोलेर म्यासेन्जरमा टेक्सट नै गर्न पर्दछ नत्र उ त्यहाँ भएर पनि मोबाइलमै त हुन्छ ।

अनि कोही हुन्छन् धमिलो पानीमा माछा मार्ने, राम्रो प्रोफाईल फोटो र केही कपीपेस्ट अग्रेंजी शव्दका आधारमा उनीहरु ठूला माछाको खोजिमा हुन्छन् । ति प्रयोगकर्ताहरु त्यस्तो छवी बनाँउदछन जून उनीहरु बास्तवमा १० प्रतिशत पनि हैनन् । यो त झन घिनलाग्दो मनोसामाजिक मनोवृती हो । उनीहरु लभका बमलाई सबैमाथि बिष्फोट गर्दछन् र लाग्दछ अनलाईनमा शायद लभका चिठ्ठा परिरहेछन् ।
सोच्छु, कहिले मान्छेहरु यस्तो व्यबहारवाट थाक्ने हुन् रु भौतिक भेटघाट अनि स्पर्श मान्छेको संवेदनाको आधार हो । अनलाईनले आँशु पुच्दैन्, शव्दहरुले टाईप गरेर प्रत्यक्ष बोलीको झैं यथेष्ट भाव कहाँ बोक्न सक्दछन् त ? यहाँ मान्छेहरुको गोडा भन्दा औंला थाक्न थालेका छन्, टाईप गरेर भावना बगाउने क्रममा थाकेका औंलाहरुले के को वयान गर्दछन् ? एक्लोपना या प्रविधी ?

छाँयासंग हैन बास्तविकक्ता संग समबन्ध गासौं, अनलाईन डेटमा आशक्ति हुनु हानीकारक हुनसक्छ ।
कुसुमको अनलाइन डेटबाट हामीले धेरै कुराहरु सिक्न पनि छ ।

सुयोग ढकाल
लाइभमाण्डु

प्रतिक्रिया दिनुहोस !
Loading comments...
सम्बन्धित खबरहरु

भारत सरकारको नेरु. १ करोड २७ लाख आर्थिक सहयोगमा दार्चुला जिल्लाको खलंगा, तिंकरमा अवस्थित श्री मोती महिला संघ प्राथमिक विद्यालयको

वीरगञ्ज । वीरगञ्जस्थित क्लार्क्स रिसोर्ट्समा “आजादी का अमृत महोत्सव” (भारत @ 75) को अवसरमा, भारतीय महावाणिज्य दूतावास, विरगञ्जद्वारा “लोकतन्त्रको विशेष

टुंडिखेलस्थित नेपाली सेनाको मुख्यालयमा आयोजना गरिएको एक समारोहबीच भारतीय सेनाले नेपाली सेनालाई आज टाटा एलपिटिए १६२८ वर्कशप ट्रकहरु उपहारस्वरुप प्रदान

कोभिड खोप प्रमाणपत्रको पारस्परिक मान्यताका लागि भारत सरकार स्वास्थ्य एवम् परिवार कल्याण मन्त्रालय र नेपाल सरकार स्वास्थ्य तथा जनसंख्या मन्त्रालयबीच