Lifestyle Portal
  •   १३ फाल्गुन २०७७, बिहीबार

पाकिस्तानमा निशुल्क स्वास्थ उपचार

२२ माघ २०७५, मंगलवार १७:२१

नेपालमा स्वास्थ उपचारको विषयमा दशकौं देखि समस्या छ अनि जनस्वास्थको बिषयमा सरकार र सत्ताको उदासिनताले न्याय दिन सकेको छैन् । डाक्टर केसी ले अनशन भर्खरै तोडेका छन्, गण्डकी मेडिकल कलेजमा तालाबन्धी छ अनि अन्य अस्पताल र स्वास्थ प्रदायक संस्थाहरुमा त्यस्तै झमेला र प्रक्रियागत अफ्ठेराहरु छन् । नेपालमा स्वास्थ सुबिधा सुलभ छैन्, स्वास्थोपचारका लागि सरकारी र निजी खर्चमा बिदेश जानेको लाइन र सूची पनि निकै लामो छ ।

तर गर्दा के नहुने रहेछ त ? पाकिस्तानमा नयाँ प्रधानमन्त्री अनि पूर्व क्रिकेटर इमरान खानले भर्खरै निशुल्क स्वास्थोपचारको प्रावधान घोषणा गरेका छन् । अबउप्रान्त पाकिस्तानका १५० ठूला सरकारी अस्पतालले बिशिष्ट उपचारहरु जस्तै मष्तिष्क शल्यक्रिया, क्यान्सर र हृदयरोगको एन्जीओप्लाष्टि गरेर मुटुको नलीमा स्टेन्ट हाल्ने कार्यसम्म पनि निशुल्क गर्ने भएको छ । पाकिस्तानको राष्ट्रिय रेडियो प्रसारणका अनुसार फेब्रुअरी ४ बाट लागु हुने गरि अगं प्रत्यारोपण बाहेक अन्य सुविधाहरु निशुल्क हुने जानकारी गराएको छ ।
यस्का लागि नागरीकहरुले शेहत इन्साफ कार्ड लिनुपर्ने हुन्छ, उर्दु भाषामा शेहतको अर्थ स्वास्थ र इन्साफको अर्थ न्याय हुन्छ । प्रधानमन्त्री इमरानका अनुसार यस्ता कार्डहरु पहिले राजधानी ईस्लामावाद अनि केहि मोफसलका ठाँउहरु हुँदै देशैभरि बितरण गरिनेछ । यस्ता कार्डहरु गरिबीका रेखामुनीका ८ करोड नागरीकलाई दिने प्रावधान भएको स्वास्थ मन्त्री आमीर कियानीले जनाएका छन् । यसो गर्दा १ करोड ५० लाख परिवार लाभान्वित हुने देखिन्छ ।

अर्को रोचक कुरा त के हो भनें यस्ता कार्ड लिन आउने मान्छेहरुलाई यातायात खर्च र प्रत्यक पटकको अस्पताल भ्रमणमा रु १ हजार दिने निर्णय गरिएको छ । एउटा परिवारलाई करिब ७ लाख २० हजार बरावरको उपचार खर्च परिआएको समयमा भाग लगाइएको स्वास्थ मन्त्रीले जनाएका छन् । पाकिस्तानको यस कदमबाट नेपालले पनि केहि सिक्ने कि ?
स्वास्थ माफियाहरुको जालोबाट सरकार उम्कन पहिले त पाकिस्तान सरकारले त्यस्ता भ्रष्ट नेतृत्वहरुलाई पदच्यूत गरेको अनि तठस्त र जनता केन्द्रित प्रावधान ल्याएको एजेन्सीहरुको बिष्लेषण छ ।

लाइभमाण्डु

प्रतिक्रिया दिनुहोस !
Loading comments...
सम्बन्धित खबरहरु

काठमाडौं । स्वास्थ्य क्षेत्र सुधारका अभियन्ता डा. गोविन्द केसीले फागुन १२ गते सुरु गर्ने भनेको २० औं अनशन स्थगित गरेका

सरकारले कोभिड–१९ विरुद्धको खोप पहिलो चरणको  अभियानअन्तर्गत करीब चार लाख २९ हजार जनाले खोप लगाएका छन् । स्वास्थ्य तथा जनसङ्ख्या

काठमाडौं । कोभिड–१९ विरुद्धको ‘कोभिशिल्ड’ खोप १० लाख डोज आइतबार काठमाडौं आइपुग्ने भएको छ । स्वास्थ्य तथा जनसङ्ख्या मन्त्रालयका सहप्रवक्ता

काठमाडौं । मानव जीवनमा पानीको महत्व धेरै छ । यो हामीलाई थाहा भएकै कुरा हो र अनि हामी पानी पिउँछौँ