
डिप्रेशनमा बाँचेकाहरुको लागी
२८ माघ २०७५, सोमबार ०७:००
डिप्रेशनले मानव जीवनमा हरेक पाटाहरुलाई असर गर्दछ । डेट देखि कार्यालय सम्म, निन्द्रादेखि खानाको रुचीसम्म । अझ दैनिक जीवनमा सामान्य कुराहरु जस्तै भाँडा माझ्नेदेखि कपडाधुने क्रियाकलाप सम्म डिप्रेशनले असर पार्दछ । यो एउटा मानसिक अवस्था हो र यस फेब्रुअरीमा हामी लाइभमाण्डु प्रयोगकर्ताहरुलाई डिप्रेशनका बावजुद पनि कसरी सहज र सामान्य रुपमा यस अवस्थालाई हटाँउदै जीवनको आनन्द र महत्व बुझ्न सकिन्छ भन्ने बिषयमा लेख्दैछौं । यो आलेख हैन बरु दुस्ख र पीडामा लामोसमयसम्म बसिरहेका तपाँई हामी सबैका लागि खुशी साट्ने पत्र हो ।
डिप्रेशन ठूलो कुरा हैन्, यो अत्यन्त सुक्ष्म अनि सानो कुराहरुको असर र तिनैबाट निको पार्न सकिने अवस्था हो । मानौं हामीलाई डिप्रेशन छ अझ सरल रुपमा भनौं लामो समयदेखि हामी दुखी छौं, खुशी हुने कारण भेटेका छैनौं, आफूलाई एक्लो र मुल्यहिन संझन्छौं या ब्यक्तिगत पहिचानको प्रतिस्पर्धामा गहिरै रुपमा असन्तुष्ट छौं । शरीरमा शक्ति नभएजस्तो, मनमा सामथ्र्य नभएजस्तो अनि निन्द्रा र खानामा अरुची लगायत थुप्रै कुराहरुले हाम्रो मानसिक अवस्था उद्घोष गरिरहेको हुनसक्दछ ।
हाँस्न भुलेको, एउटा अँध्यारो छाएको या खुल्ला उन्मुक्त नभएको जस्ता धेरै भावनाहरु हामीमा कुण्ठा परेर बसेको हुन सक्दछ ।
जस्तै कि एउटा राक्षस यहाँको ओच्छ्यान मुनी छ जो हरेक बखत यहाँका मुल्यवान भावना , साहस र आँटलाई हमला गर्दछ । तर स्मरण गर्नुहोस् माया, साथ र सहि जीवनशैली भएमा डिप्रेशनका हरेक लक्षणहरु शिघ्र दुर गर्न सकिने रहेछ । हफिगंटन पोष्टमा केली कुलवर्टसन लेख्दछिन् । विश्वमै सर्वाधिक पढिएको त्यसै लेखलाई आज हामी यहाँ परिपेक्ष्यकरण गर्दै पस्किरहेका छौं ।
डिप्रेशन भगाउने केहि उपायहरु ।
१, केहि समाधान गर्ने हेतुले चिन्तन गर्न छाडौं :
जीवनमा सबै कुरा ठिक त कसैको हुँदैन तर सबै कुरा बेठिक पनि कसैको हुँदैन । बिग्रेका कुराहरु बनाउने संभावना र साहस चाहिन्छ । अक्सर डिप्रेशनमा हुँदा हामी केहि गलत र गल्तीमा छौं र केहि कुरा बिग्रेको र त्यसलाई ठिक पार्नुपर्ने छ भन्ने सोच्दछौं । ठिक र बेठिमा र जीत भन्दा हारहरुमा अनि सहि गल्तीमा हामी यति अल्झिन्छौं कि आशा र सकारात्मक कुराहरुको उत्खनन दिमागले गर्नै पाउदैन् । तसर्थ समस्या समाधान गर्ने हेतुले भन्दा पनि आशा जगाउने र तठस्त बस्ने हिसाबमा आफ्नो र अरुको कुरा सुनौं ।
२, आफ्ना प्राप्ति र उपलब्धीका बारे कुरा गर्नुहोस् :
पैसा कमाउने र नाम कमाउने चक्करमा हामीले आत्मसम्मान, आत्मसन्तुष्टि, समाजसेवा र तठस्त त्यागका मान्यताहरु बिर्सेका छौं । पैसा कमाउनेलाई सफल मानिने यस समाजका संरचनागत त्रुटिहरुले अधिकतम मानसिक रोगहरु ल्याइरहेको पाइन्छ, हामी सबैको आआफ्नै उपलब्धी छ । पैसा र आय बाहिरका उपलब्धी र समबन्धलाई हामी चर्चा र हिसाब गर्दैनौं । दुस्खी हुनुहन्छ र हारेको भावनाले पिरोलेको छ भनें आफ्ना ससाना उपलब्धी देखि ठूला उपलब्धीसम्म संझना गरौं, कुरा गरौं अनि भविष्यका संभावना र अठोटलाई उजागर गरौं ।
३, जे छु ठिक छु भन्ने भावना बिकास गरौं :
कहिलेकाँही ओके नहुनुपनि ओके हुनु हो । समय समयमा मान्छेको सोच, बिचार र भावनाहरु तलमाथि हुन्छन् र खुशी र दुखी जीवनका पाटाहरु हुन भनी स्वीकार गर्नुहोस् । आजको दुस्ख भोलीको खुशी पनि त हो, आजको आँशु भोलीको मोती पनि त हो ।
४, शब्दको भर नपर्नुहोस् :
डिप्रेशनमा हुँदा अरुलाई शेयर गर्नुहोस् भन्ने भनाई पुरानो भयो । शब्दमा भर परेर भावनाहरु छताछुल्ल पार्न धेरै आँट र शक्ति चाहिन्छ । अनि जति आफ्ना कुरा हामी अरुलाई सुनाँउछौं त्यती ती कुरा र भावनाहरु गाढा हुँदै जान्छन् ।
बरु आफ्नो भावना सुनाउनको साटो मिल्ने साथीलाई या परिवारका सदस्यलाई भेटौं र शब्द सुनाउनको साटो अंगालो मारौं, राइदियौं र आफ्ना कुण्ठाहरुलाई आँशु बनेर पग्लिन दिऔं ।
५, आफ्ना अपेक्षाहरुलाई पूर्नविचार गर्नुहोस्:
जीवनको अपेक्षाहरुलाई एक फेर पूर्नविचार गरौं, कतै हामी महत्वाकांक्षाको भारको भरिया त भएका छैनौं ।
प्रतिस्पर्धा र महत्वाकांक्षाको खराब मिश्रणमा आफ्नो जीवनलाई पीडा नदिऔं, हामी जे छौं ठिक छौं । कोहीभन्दा कोही कम छैनन्, कोही बढि छैनन् । आशा कायम राखेर अघि बढौं, आफूलाई खुशी राख्नुहोस् । हामी डिप्रेशन शिर्षकका ताजा अध्ययन र आवाजहरु लाइभमाण्डुमा ल्याइरहन्छौं ।
डिप्रेसन के हो र यसबाट कसरि बच्ने ? -डा. कल्याण सुबेदी
लाइभमाण्डु
प्रतिक्रिया दिनुहोस !
सम्बन्धित खबरहरु
नेपालका लागि भारतीय राजदूत नवीन श्रीवास्तवले भारत सरकारको आर्थिक सहयोगमा काठमाडौंस्थित मदन भण्डारी स्मृति कलेजका लागि निर्मित कलेज भवनको आज
काठमाडौं– सडकपेटी नै कब्जा गरेर सञ्चालन गरिएका वर्कसपलाई काठमाडौं महानगरपालिकाले कारबाही गरेको छ। बुधबार महानगरले बिजुली बजारको आर्क ब्रिजबाट देब्रेतर्फ
मिति २०७९।११।०१ गते अं.१६;५० बजेको समयमा काठमाण्डौ जिल्ला काठमाण्डौ महानगरपालिका वडा नं.१६ माछापोखरी चोक स्थितमा नेपाल यातायात स्वतन्त्र मजदुर संगठन,
विरगञ्ज, १४ पुस छिमेकी मुलुक भारतमा कोभिड–१९ को संक्रमण फैलन थालेपछि वीरगन्ज नाकामा उच्च सतकर्ता अपनाइएको छ । इनरुवा नाकामा