अमेरिकाको केन्टकीको लाउसभिल्लेमा स्वामीनारायणको बिशाल मन्दिर छ जहाँ केहि सातादेखि हिन्दु बिरोधी तत्वहरुले आक्रमण, तोडफोड र नारावाजी गरिरहको छन् । केहि साता अघि बेलायतमा पुरानो चर्च खरिद गरेर शिव मन्दिर स्थापना गर्ने समाचार नेपाली सञ्चार माध्यममा निकै चर्चामा रह्यो तर यो हिन्दु मन्दिरमाथीको आक्रमणलाई कहिँ कतै चर्चा दिइएको पाइएको छैन् । हामी हफिगंटन पोष्टको केहि सातादेखिको यस बिषयको अपडेटलाई यहाँ प्रस्तुत गर्दै छौं ।

फेब्रअरी १ मा एकजना किशोरलाई पक्राउ गरियो , उनलाई मन्दिर वरपर तोडफोड गरेको आरोप लगाइएको थियो । त्यस ठाँउका प्रहरीले राखेको रेकर्डमा हेट क्रइम भनेंर यस मन्दिरको क्राइमलाई दर्ता गरिएको छ, कुरियर रिपोर्ट अमेरिका लेख्दछ । गत आइतबार र मगंलबार मन्दिर वरपर बिभिन्न तोडफोड र हिन्दु बिरोधी मेसेजहरु पनि प्रदर्शन गरिएको थियो । त्यतिमात्र नभई मन्दिरका भित्ताहरुमा कालो रगं पोतेर अनि कालो क्रस कुँदिएको थियो । केवल जिसस मात्र मुक्तिदाता हुन लगायत बिभिन्न नाराहरुमा हिन्दु सनातन संस्कार र प्रतिमुर्तिहरुमाथि बिभिन्न नारावाजी र चित्रहरु पनि कुँदिएका छन् । मन्दिरको एउटा कुर्सिमा पण्डित बस्ने बेशासनमा चक्कु पनि घोपीएको छ । मन्दिरका संस्थापक प्रवक्ता भारतीय मुलका राज पटेलले भगवानको लागि मात्र यो प्रदर्शन नभएको बताँउदै राजनैतिक मतभिन्नताको प्रारुपका रुपमा यो लिइएको जनाएका छन् ।

मन्दिरमा पटेल लगायत ६० देखि १०० जनासम्म भक्तहरु आउने जाने गर्दछन् । लगभग ५ वर्षअघि एउटा पुरानो चर्चलाई खरिद गरेर मन्दिर बनाइएको र शायद त्यही कुराले पनि धर्म र स्थल समबन्धी बिवाद निस्केको त हैन ? बुझ्नपर्ने भएको छ ।
उता स्थानिय पुलिसले भनें मन्दिरका भक्तहरु सुरक्षित राख्ने जिम्मा लिँदै आन्दोलनकारीहरु पहिचान नभएको तर शिघ्र पहिचान गरि कारवाही गर्ने जनाएको बताइन्छ ।

उता हिन्दु अमेरिकन फाउण्डेशनले पनि मन्दिरको यो हमलालाई बिरोध गर्दै राज्यसंग यसको जवाफ माग्न पैरवी गरेको छ । जय कन्सरा हिन्दु अमेरिकन फउण्डेशनका प्रवक्ता हुन र उनले अमेरिकी सरकारलाई अल्पसख्यंक हिन्दु समुदायमाथिको यो आक्रमणमा संवेदनशील हुन आग्रह गरेका छन् । कन्टकी राज्यमा ७६ प्रतिशत युवाहरु क्रिस्चियन रहेको र त्यसमा ४९ भन्दा धेरै प्रतिशत इभ्यानज्यालिकल प्रोटेस्टेन्ट रहेका र २ प्रतिशत युवाहरु माज्ञ गैर क्रिस्चियन रहेको पीउ रिसर्च अध्ययन केन्द्रले जनाएको छ । हिन्दु युवाको सख्याँ १ प्रतिशतभन्दा कम रहेको तथ्याकं छ ।

लुइसभिल्लेका मेयर ग्रेग फिसरले पनि यस घटनाको भत्र्सना गरेका छन् । उनले हेय भावलाई पखाल्दै अब मन्दिर सफा गर्न सबैलाई एकजुट हुन आग्रह गरे ।अमेरिकाको यो घटनाले नेपाली समुदायले अन्य देशमा पनि खडा गरेका मन्दिरहरु बिवादमा तानिने त हैनन भन्ने प्रश्न पनि उब्जिएको छ । बिदेशमा रहने सनातन संस्कारका अनुयायीहरु यस बिषयमा सोच्ने र बिष्लेषण गर्ने समय आएको छ ।

-लाइभमाण्डु