यतिबेला क्याप्टेन फिल्मलाई लिएर चर्चामा रहेका नायक अनमोल केसी निकै दंग छन् । फिल्मको ट्रेलर देखि रिलिज भएका २ वटै गीतहरुले दर्शकहरुको साथ र माया दुबै पाईरहेको छ । हाल हलमा दर्शकहरु निकै न्युन पुगिरहेको समय अनमोल क्याप्टेन लागेपछि दर्शकहरु हलमा उर्लिने अनुमान गरिएको छ जुन अवस्था यसअघि पनि देखिँदै आएको हो । अनमोलले अहिले सम्म लभस्टोरी फिल्ममा पनि फरक भुमिकामा काम गर्ने कोशिस गर्दे आईरहेका छन्। त्यसैले पहिलो गाली गर्ने दर्शकहरु अहिले उनको प्रशंसा गर्न थालेका छन् ।

फागुन १७ गतेबाट अल नेपाल रिलिज हुन लागिरहेको क्याप्टेनको प्रमोसनमा रहेका अनमोलले फिल्मका लागि फुटबरको भूमिका निर्वाह गर्न निकै मेहनत गरेको बताउँछन् । क्याप्टेन फुटबलरको मात्र कथा नभई बिशुद्ध प्रेम कथामा बनेको फिल्म भएको उनको भनाई छ । भबिष्यमा पूर्व युवराज पारस शाहको बायोपिकमा काम गर्ने इच्क्षा रहेको बताउने अनमोल भन्छन् “पारस शाहको बायोपिकमा काम गर्न पाउदा फिल्मी स्कोप बढि छ जस्तो लाग्छ” । अनमोल भबिष्यमा राम्रो स्क्रिप्ट पाए प्रदिप खड्कासंग पनि काम गर्न तयार रहेको बताउँछन् ।

उता प्रदिप पनि स्क्रिप्ट राम्रो भए अनमोलसंग काम गर्न तयार रहेको बताउँछन् । पछिल्लो समय एक अर्काको प्रशंसामा सामाजिक सञ्जाल रंगाएका अनमोल र प्रदिप एक अर्काका प्रतिष्पर्धी भने हुन् । अब हेरौ अनमोलको क्याप्टेन र प्रदिपको लभस्टेशनमा दर्शकहरुले बढि कसलाई साथ दिन्छन् ।