Lifestyle Portal
  •   २५ श्रावण २०७९, बुधबार
ganja hash marijuana

नेपालमा गाँजाको चर्चा किन र कसरी

१४ फाल्गुन २०७५, मंगलवार ११:४१

गिरिश खतिवडाको पोडकास्टमा र्याण्डम नेपाली यूट्यूब च्यानलका सञ्चालकसंगको कुराकानीमा गाँजा समबन्धी वार्तालाप अपलोड गरियो । जनवरी १९ मा अपलोड गरिएको यो भिडियोमा अहिले ६५ हजार लगभग दर्शक भएका छन् । अहिले नेपाली सामाजिक सञ्जाल देखि सदनहरुसम्म गाँजाको प्रयोग र त्यसको कानुनीकरणका आवाजहरु जोडदार उठिरहेका छन् । र्याण्डम नेपालीको नेपालमा गाँजाको इतिहास शिर्षकको भिडियोले पनि अब छिटै २ लाख भ्यू पाउन आँटेको अवस्था छ । विश्वमै गाँजाको कानुनीकरण र उपचारात्मक प्रयोगका कुराहरु कायान्वयन हुँदै आँउदा नेपाली समाजमा पनि केहि युवापुस्ताका अगुवाहरु यसको समर्थनमा देखिएका छन् ।

अहिले नेपालमा पनि विश्वका धेरै जसो देशरुमा झैं गाँजाको सेवन र कानुनीकरणका आवाजहरु उठिरहेका छन् । झन सांसद बिरोद खतिवडा  र केहि समय अघि केशव स्थापीत अनि पूर्वाधारबिद सुर्य राज आचार्य  ले नै यो कुरा उठाएपछि एकप्रकारको शान्त अभियान झैं गाँजाको कानुनीकरणका कुराहरु चलिरहेका छन् ।  गाँजा कानुनीकरण गर्नु या नगर्नुका विषयमा हामी पैरवी गर्न चाहँदैनौं किनभनें यो नितान्त वैज्ञानीक र कानुनी कुरा हो । लागुऔषध जुनसुकै अनि जस्तो भएपनि त्यसको रोक गर्नुपर्छ र स्वच्छ समाजको परिकल्पना गर्नुपर्छ भन्ने हाम्रो सोच हो । तथापि अहिलको व्याप्त लागुऔषधका कदमहरु मा कुनै तत्व या पदार्थ ल्याएर यूवाहरुको लागुऔषध प्रयोगको जोखिम कम गर्न सकिन्छ भनें त्यसमा एकफेर नसोच्ने भन्ने कुरा हुँदैन ।

यो गाँजा कानुनीकरणको कुराहरु निर्णय लिनु अघि वैज्ञानीक अनि सामाजिक तथ्यहरु बिचार गर्न जरुरी देखिन्छ । गाँजा कानुनीकरणको कुरामा यि निम्न प्रश्नहरुमा सरकारले ध्यान दिनुपर्ने देखिन्छ ।

संसारमा गाँजा सेवनले मर्ने, अरु लागू औषधले मर्ने अनि रक्सीका कारण मर्ने को संख्या कति कति छ ? अपराधका हिसाबमा गाँजा सेवन गरेर गरीने अपराध र अन्य लागू औषध सेवन गरेर गरिने अपराध कुन ज्यादा छ ? गाँजा उत्पादन कुन क्षेत्र वा देशमा बढी हुन्छ,हुन्थ्यो र सम्भावना के छ ? काठमाडौं मा नै केही नेवार जातीका बैद्यहरुले यसको प्रयोग औषधिमा गरेको इतिहास का विषयमा पनि निकै तर्कहरु चलिरहेका छन् जस्को वास्तविक सत्यता आउन बाँकी छ ।  । गाँजा प्रतिबन्धले नेपाल कति विदेशी औषधीमा परनिर्भर भयो ? गाँजा खुला हुँदा प्रतिबन्ध नहुँदा सम्म नेपालले पर्यटक बाट कति आम्दानी गर्थ्यो ? अहिले ती बैधानिक व्यापारी र वैद्य हरुको अवस्था कस्तो छ ? अहिले खुला गर्दा नेपालले के के लाभ लिन सक्छ ? रक्सी खुला भएर हामीले ब्योहरेका नकारात्मक कुरा बाहेक थप के के नकारात्मक कुरा आउन सक्छन ?

अब यो शिवरात्रिको आसपासको समयमा झनै यूवा पुस्ताहरुले गाँजा प्रयोगका विषयमा निकै स्ट्याटस र तर्कहरु अपलोड र अपडेट गर्न थालेका छन् । शिवरात्रिमा गाँजा सेवनलाई धार्मिक र अध्यात्मिक रुपमा महत्वका साथ हेरिएको भन्ने तर्क अनि सरकारले लगाएको गाँजा सेवन रोक शिवरात्रिमा एउटा परम्परा विरुद्धका भएके तर्कहरु पनि उठेका छन् ।

संसद सम्म छिचोलिसकेको यो तथ्य र तर्कका कुराहरु आगामि दिनमा कहाँसम्म पुग्ने हो, हेर्न बाँकी छ ।

प्रतिक्रिया दिनुहोस !
सम्बन्धित खबरहरु

भारत सरकारको अनुदान सहयोगमा तनहुँ जिल्लाको घिरिङ गाँउपालिकामा अवस्थित श्री दिपक माध्यमिक विद्यालयको नवनिर्मित भवनको उद्घाटन भएको छ । भारतीय

भारत सरकारको अनुदान सहयोगमा सिन्धुली जिल्लाको कमलामाई नगरपालिका–६ मा अवस्थित सिन्धुली सामुदायिक टेक्निकल इन्स्टिच्यूटको नवनिर्मित शैक्षिक भवनको उद्घाटन सम्पन्न भएको

विपद् न्युनीकरण प्रयासमा नेपाललाई निरन्तर सहयोग गर्ने हाम्रो प्रतिबद्धता अनुरुप नेपालका लागि भारतीय राजदूत नवीन श्रीवास्तवले गृह मन्त्रालय, सिंहदरबारमा आयोजित

भारत सरकारको अनुदान सहयोगमा डोटी जिल्लाको जोरायल गाउँपालिका–४ कुण्डीकोटमा अवस्थित श्री घण्टेश्वर माध्यमिक विद्यालयका लागि निर्मित विद्यालय भवन तथा छात्रावास