Lifestyle Portal
  •   २० मंसिर २०७९, मंगलवार

चिनियाँ राजदुत नेपाल प्रज्ञा–प्रतिष्ठानमा

१८ फाल्गुन २०७५, शनिबार १९:५६

लोकप्रिय

चिनियाँ राजदुत नेपाल प्रज्ञा–प्रतिष्ठानमा मिति २०७५ फागुन १७ गते शुक्रवारका दिन नेपालका लागि जनवादी गणतन्त्र चीनकी महामहिम राजदुत श्री Hou Yanqi र नेपाल प्रज्ञा–प्रतिष्ठानका पदाधिकारीहरूबिच काठमाडौँ, कमलादीस्थित प्रज्ञा भवनमा भेटवार्ता भएको छ । भेटवार्तामा नेपाल र चीन दुई देशबिच प्राज्ञिक तथा सांस्कृतिक सम्बन्ध विस्तारबारे छलफल भयो ।

प्रज्ञा–प्रतिष्ठानका कुलपति गङ्गाप्रसाद उप्रेतीले महामहिम राजदूत Hou Yanqi  लाई स्वागत गर्नुहुँदै नेपाल प्रज्ञा–प्रतिष्ठानले गरेका प्राज्ञिक गतिबिधिबारे प्रकाश पार्नुभयो । कुलपतिले नेपाल र चीनबिच निकै पुरानो सम्बन्ध रहेको उल्लेख गर्दै प्रज्ञा–प्रतिष्ठान र चीनका दुई साहित्यिक तथा सांस्कृतिक संस्थाबिच सम्झौता भई प्राज्ञिक आदान–प्रदान कार्य भइरहेको बताउनुभयो । राजदुत Hou Yanqi ले दक्षिण एसियामा अवस्थित नेपाल संस्कृति, भाषा र साहित्यले सुसम्पन्न मुलुक रहेको बताउनुभयो । उहाँले दुई वटा संस्कृति भएका देशका बिचमा रहेको नेपालले दुबै मुलुकलाई जोड्न सेतुको काम गरेको उल्लेख गर्दै उत्तरतर्फ ह्वाङ्हो नदी र दक्षिणतर्फ गङ्गा नदीको विशाल संस्कृतिलाई नेपालले जोडेको बताउनुभयो ।

राजदुतले नेपाल प्रज्ञा–प्रतिष्ठान र चीनका दुई साहित्यिक तथा सांस्कृतिक संस्थाबिच सहकार्य भइरहेकामा खुसी प्रकट गर्दै नेपाल प्रज्ञा–प्रतिष्ठानकै अगुवाईमा चीन तथा दक्षिण एसिया साहित्यिक सभा स्थापना भई पहिलो सम्मेलन चीनमा सम्पन्न भएको र उक्त सभाको दोस्रो सम्मेलन आगामी वर्षको अक्टोबरमा नेपालमा आयोजना हुन लागेकोमा प्रशन्नता व्यक्त गर्दै त्यसका लागि चिनियाँ दुताबासबाट आवश्यक सहयोग हुने प्रतिबद्धता व्यक्त गर्नुभयो । महामहिम राजदुत Hou Yanqi ले प्रज्ञा भवन, छापाखाना, पुस्तकालय समेतको अवलोकन गर्नुभएको थियो ।

प्रतिक्रिया दिनुहोस !
सम्बन्धित खबरहरु

काठमाडौ – काठमाडौ क्षेत्र नम्बर १ का घण्टिबहाक उम्मेदवार पुकार बमलाइ भोट माग्न चलचित्र निर्देशक प्रदिप भट्टराई र निर्माता रविन्द्र

काठमाडौं – काठमाडौको क्षेत्र नम्बर ६ (ख) मा प्रमेश श्रेष्ठले उम्मेदवारी दिएका छन्। उनी विगत ८ वर्ष देखि वैकल्पिक राजनीतिमा

काठमाडौं– काठमाडौं क्षेत्र नम्बर ६ मा निर्देश सिलवालले उम्मेदवारी दिएका छन्। लामो समय देखि वैकल्पिक राजनीतिमा सक्रिय रहेका सिलवालले स्वतन्त्र

काठमाडौं – विवेकशील साझा पार्टीका युवा नेता समुन्द्र केसीले ललितपुर क्षेत्र नं. ३ (क) मा उम्मेदवारी दिएका छन्। ब्रिटिस कलेज,