आम आद्मी पार्टीकी नेत्रीले नेपाल चौकीदारहरुको देश भनी यसरी ट्वीट गरिन

आम आद्मी पार्टीकी एमएलए अल्का लाम्बाले नेपाललाई अप्रत्यक्षरुपमा चौकीदारहरुको देश भनी पेचीलो ट्वीट गरेकी छिन् । प्रधानमन्त्री छान्न संवेदनशील बनौं तर चौकीदार त नेपालबाट पनि मगाउन सकिन्छ भन्ने उनको ट्वीट अहिले विवादमा परेको छ । सरसरती हेर्दा उनी नरेन्द्र मोदीलाई चौकीदारको हिसाबमा व्यगं गर्न चाहन्थिन तर नेपालको सार्वभौमीकतामा उनको ट्वीटले एउटा पेच भनें हानेको छ ।

प्रिय #भारतवासियों
“कृप्या इस बार #प्रधानमंत्री चुनियेगा,#चौकीदार तो #नेपाल से भी मंगवा सकते हैं”.

नेपाल के #चौकीदार #चोर नही होते ;).#LokSabhaElections2019

— Alka Lamba (@LambaAlka) March 12, 2019

आचार्य वालकृष्ण देखि अहिलेका यूपीका मुख्यमन्त्री योगी आदित्यनाथ पनि नेपाली मुलका मानिन्छन्, तर उनले चौकीदारी र नेपालीपनाको यो नमिठो पेच हानेकी छिन् । अल्का लाम्बाको यो ट्वीटले उनी र समग्र आम आद्मी पार्टीकै मान हनन गरेको धेरै भारतीय समीक्षकहरुले बताएका छन् । ४३ वर्षकी यि नेत्रि सन् २०१४ सम्म भारतीय काग्रेसकी सक्रिय सदस्यका रुपमा २० वर्ष क्रियाशील थिइन र सन् २०१४ मा यिनी आम आद्मी पार्टी प्रवेश गरेकी हुन् । आफ्ना विवादास्पद भनाई र गैरसंवेदनशील अभिव्यक्तिका लागि यिनी निकै पहिलेदेखि भारतीय राजनैतिक नक्षत्रमा विवादमा छिन् ।

लाइभमाण्डु