शुक्रबार मार्च १५ तारिखका दिन न्यूजिल्याण्डका २ भिन्न मस्जिद घरहरुमा भक्तजनहरुको समुहमाथि गोली चलाइएको छ । शुक्रबारको दिन मस्जिदमा जुम्मा पढ्न जाने भक्तजनहरुको घुँइचो हुन्छ र यहि घुँइचोमाथि निशाना बनाएर गोलीबारी गरिएको छ । न्यूजिल्याण्डका पुलिस कमिस्नर माइक बुशले आगामी सूचना नआउन्जेलसम्मका लागि सबैलाई घरभित्रै बस्न र चर्च नजान आग्रह गर्दै फेसबुकमा भिडियो पोष्ट गरेका छन् । घटनामा कतिजनाको मृत्यू भयो र हताहतका विवरण भनें आउन बाँकी छ ।

लल पेनेहा नामक प्रत्यक्षदर्शिले कालो लुगामा आएका हतियारधारीले भींडमा गोली बर्साएको बताएकी छिन भनी हफिगंटन पोष्टले लेखेको छ । मस्जिद अल नुर प्रार्थना गृहमा ति व्यक्ति प्रवेश गरेको प्रत्यक्षदर्शि ललले बताइन । मैले मृत मान्छेहरुको लाशमात्र सर्वत्र देखें, ललले एपीलाई बताइन ।
उक्त हतियारधारीले आफ्ना सहयोगीसंग मिलेर गोली चलाएको भिडियो लाइभ गरेको पनि बताइएको छ, हफिगंटन पोष्टले उक्त समाचार लेखेको भएपनि बन्दुकधारीको भिडियो स्ट्रीम भनें पाइएको छैन ।
न्यूजिल्याण्डमा यस घटनाको त्रासदि व्यापक रहेको बताइन्छ, यस घटनाको चौतर्फि विरोध भइरहेको छ ।

लाइभमाण्डु