Lifestyle Portal
  •   ८ श्रावण २०७८, शुक्रबार

ट्रिब्युट टु मेगास्टार राजेश हमाल

२ चैत्र २०७५, शनिबार १७:२२

राजधानीमा एक कार्यक्रमको आयोजना गर्दै अभिनेता राजेश हमाललाई ’ट्रिब्युट’ गर्ने जानकारी गराइएको छ । साधना कला केन्द्रले एक पत्रकार सम्मेलनको आयोजना गर्दै ’ट्रिब्युट टु मेगास्टार राजेश हमाल’ गर्न लागिएको जनाएको हो । साधन कला केन्द्रका अध्यक्ष मिलन मोक्तानले नेपालमा अग्रजलाई सम्मान गर्ने परम्पराको थालनी होस् भनेर जमर्को गरेको बताए । घोषणा कार्यक्रममा वरिष्ठ संगीतकार शम्भुजित बास्कोटा, गायक राजेश पायल राई, यम बराल, रवी ओड लगायतको उपस्थिति रहेको थियो । कार्यक्रममा अभिनेता हमालको हिट डायलग र गीतको केहि क्लिप्सलाई देखाइएको थियो । आउँदो वर्ष २०७६ को जेठ महिनामा कार्यक्रमको आयोजना हुने बताइएता पनि डेट भने फिक्स नभईसकेको जनाइयो ।

अभिनेता हमालको फिल्मी यात्रामा धेरै नै व्यक्तित्व जोडिएको हुनाले उहाँहरुसँगको छलफलपछी एउटा डेट फाइनल गरिने अध्यक्ष मोक्तानले बताए । अन्य देशमा गरिने सम्मान देखेर आफ्नो देशका अग्रज कलाकारलाई ट्रिब्युट गर्ने आइडिया फुरेको पनि उनले बताए । राजेशले पनि विभिन्न भेटघाटपछी उदेश्य नेक लागेर नै आफुले अनुमति दिएको बताए । कार्यक्रममा उपस्थित शम्भुजित बास्कोटा , राजेश पायल राई , यम बराल र रवी ओडले पनि यस कार्यको तारिफ गर्दै सफलताको शुभकमन दिए । कार्यक्रमलाई साधना कला केन्द्र र लाइभ नेपालले संयुक्त रुपमा गर्नेछन् । कार्यक्रममा राजेशका हिट गीतहरुका गायक , उनको को(स्टारलाई ट्रिब्युटमा उपस्थित गराउने तयारी भइरहेको आयोजक संस्थाका सदस्य दसरथले बताए ।

राजेश हमाल “मैले पनि पहिलो प्रश्न म नै किन ? भनेर सोधेको थिए तर उहाँहरुको उद्देश्य नेक लागेर हुन्छ भनेको हुँ । एउटा राम्रो कार्यको थालनी मबाट हुन्छ भने किन नगर्ने भनेर सहमत भएको हुँ । म धन्यवाद पनि दिन चाहन्छु कि पहिलो रोजाईमा म परे । यसले एउटा परम्पराको थालनी गरेको छ । यसपछिका दिनमा पनि यसै गरि सर्जकलाई सम्मान गर्न सक्नु होस् भन्ने शुभकामना छ । म खुसि छु । फिल्मी यात्राले दिलाउने सम्मान र दर्शकको माया नै हाम्रो उर्जा हो ।”

शम्भुजित बास्कोटा “राजेश ट्रिब्युटको हकदार छ । किनकी उसेल आफ्नो जीवनको सुरुवाती पल देखि नै फिल्मनगरीमा आफुलाई समर्पित गरेको छ । युग देखि युग सम्म मार्फत सुरु भएको यात्रामा उसले आफुलाई निरन्तर कर्मक्षेत्रमै ब्यस्त बनाएको छ । राजेश एक यस्ता कलाकार हुन् जसको नामनै पहिचान हो , उनलाई चिनाउनु पर्दैन चाहे त्यो जुनै उमेर समुहका हुन् । यहाँ राजेशलाई ट्रिब्युट गर्ने कार्यक्रमको घोषणा समारोहमा उपस्थित भएर शुभकामना दिन पाउँदा निकै खुसि छु । समय मिलाएर मैले राजेशको लागि गरेको संगीत र गीतलाई ट्रिब्युटमा प्रस्तुत गर्नेछु ।”

राजेश पायल राई “निकै खुसि लागेको छ, मेरो प्यारो नायक मितज्यु राजेश हमाललाई ट्रिब्युट गरिदै छ । यसको थालनी अगाडी बाटै हुनुपर्थ्यो । हामीले यसनगरीबाट पाउने सम्मान वा दर्शकको माया नै हो, जो हाम्रो उर्जा हुन् । फेरी राजेश हमाल कलानगरीको एउटा अमुल्य सम्पति हुन् । म आफै पनि उहासँग व्यक्तिगत रुपमा निकै नजिक छु त्यसैले मात्र खुसि छैन किनकी साचै नै उहालाई हामीले पनि केहि दिने बेला आएको छ । म उहासँग धेरै राष्ट्रमा सगै कार्यक्रम गर्न पुगेको छु, उहालाई देख्दा मात्र पनि विदेशीले पनि जिज्ञाशु हुने गर्छन कि उहा साधारण मान्छे मात्र हौइन भनेर । उहाको फिल्मको लागि मैले पनि गीत गाउने मौका पाएको छु, उक्त गीतसंगीतलाई म पनि प्रस्तुत गर्नेछु ।”

रवी ओड “आज यो स्टेजमा सँगै बसेर बोल्न पाउनु नै मेरो भाग्य हो । मैले यो सोचेको पनि थिइन्, जसलाई हेर्दै हुर्किए आज उहाकै बारेमा बोल्न पाएको छु । मैले उहाको लागि गीत गाउने मौका त पाएको छैन तर ट्रिब्युटमा केहि नकेही अवस्य प्रस्तुत गर्नेछु । मेरो सांगीतिक यात्रामा राजेश सरको पनि अप्रत्यक्ष सहयोग रहेको छ । उहाले अभिनय गर्नु भएका गीतहरु गाउँदै हुर्किए र प्राक्टिस पनि गरे ।”

मिलन मोक्तान “विदेशमा ट्रिब्युट गर्ने गरिन्छ तर हामी कहाँ यस्तो चलन छैन , त्यसैले पनि यसको थालनी गर्ने सुरुवात गरेका हौ । हामीले जसरि राजेश जीलाई प्रस्ताव गर्यौ , उहाको सल्लाह र सुझावले झनै हौसिएका छौ । उहाको कलाकारिताको त अब कुरा नै गर्न पर्दैन किनकी सबै उहा बारे विज्ञ नै हुनहुन्छ । तर उहाले यस क्षेत्रको लागि खर्चेको समय साचै तारिफ योग्य छ । उहाको सम्मानमा हामीले गर्न लागेको यो कार्यक्रम एउटा सानो अंश मात्र हो । राजेश हमाललाई हामीले ट्रिब्युट गर्न पाउनु हाम्रो लागि ठुलो अवसर हो ।”

प्रतिक्रिया दिनुहोस !
Loading comments...
सम्बन्धित खबरहरु

काठमाडौँ– पछिल्लो २४ घण्टामा सबैभन्दा धेरै २१ देखि ३० वर्ष उमेर समूहका व्यक्तिहरुमा कोरोना भाइरसको संक्रमण पुष्टि भएको छ ।

विवेकशील साझा युवा संगठनका सचिव तथा पार्टीका केन्द्रीय समिति सदस्य अमित पाठकले सर्वोच्च अदालतको फैसलाले प्रतिगमनलाई परास्त गरेको बताएका छन्।

काठमाडौं। नेकपा एमालेको आन्तरिक विवाद समाधान गर्न गठन गरिएको सँयुक्त कार्यदलले आइतबार राति सहमति जुटाएको छ। कार्यदलले १० बुँदे सहमति

काठमाडौं । वर्षासँगै बाढी–पहिरोले देशका विभिन्न ठाउँमा सडकखण्ड अवरुद्ध भएको छ । सडक विभागका अनुसार शुक्रबार बिहान सवा ७ बजेसम्म