संयूक्त राज्य अमेरीकाको क्यालिफोर्नियामा संसारको सबैभन्दा ठूलो विमानले सफलतापूर्वक परीक्षण उडान गरेको छ । स्ट्रेटोलन्च नाम दिईएको उक्त विमानमा बोईंग ७४७ ईन्जिन लागेको छ । यो विमानको विशेषता यो छ की यसले ३५ हजार फिट माथीको उचाँईबाट पृथ्वीमा अथवा पृथ्वीबाट ३५ हजार फिट माथी रकेट पठाउने क्षमता राख्दछ ।

उथाह तथा एरिजोनासम्म फैलिएको उत्तरी अमेरीकाको सबैभन्दा सुख्खा मरुभूभी ‘मोजावे मरुभूमी’मा शनिबार १३ अप्रेल, २०१९ का दिन यसको सफल उडान गरेको हो । परीक्षण उडान सफल भएसंगै यसले भविष्यमा हुने भीमकाय उडानको सकारात्मक संकेत देखायो । यसको अविस्कार अन्तरिक्षमा रकेट पुर्याउन तथा त्यहाँबाट पृथ्वीसम्म पुर्याउने कार्यमा प्रयोग हुनेछ ।

Thrilled to share that today the #Stratolaunch aircraft flew for the first time! ✈ Check out the video here ⬇ #StratoFirstFlight https://t.co/rluHdNRtJ4

— Stratolaunch (@Stratolaunch) April 14, 2019

यससंगै यसले उपग्रहहरुलाई अन्तरिक्षको कक्षसम्म पुर्याउन सहयोग गर्नेछ । यो भिमकाय स्ट्रेटोलन्च विमान प्रयोगमा नआउञ्जेल अहिलेसम्म टेकअफ रकेटको सहयोगले उपग्रहहरुलाई अन्तरिक्षको कक्षमा पठाईंदै आईएको छ । टेकअफ रकेटको तुलनामा स्ट्रेटोलन्च विमान अवस्यपनि उपग्रहलाई अन्तरिक्ष कक्षसम्म पुर्याउनका लागि २१ औं शताब्दिको विमान अविस्कारमध्ये सबै भन्दा उत्तम विकल्प हुनेछ ।

स्ट्रेटोलन्चको निर्माण स्केल्ड कम्पोजिट्स नामक इन्जिनियरिंग कम्पनिले गरेको हो । यो विमान यति भिमकाय स्वरुपको छ की यसको पखेटाको चौंडाई एउटा विशाल फुटबल रङ्गशाला भन्दा पनि ठूलो छ ।

शनिवार गरिएको पहिलो परिक्षण उडानमा यो विमानले हावामा अधिकतम ३०४ किलोमिटर प्रति घण्टाको गतिमा साढे दुई घण्टासम्म उडान गर्यो । यो विमानको अर्को विशेषता भनेको यसमा एकैपटकमा ३ वटा रकेट राखेर उडान गर्न सक्छ ।

यसको अविस्कारको यो पहिलो स्वरुप भने हैन । स्ट्रेटोलन्चलाई सन् २०११ मा माईक्रोसफ्टका दिवंगत सह संस्थापक पल जी एलनले तयार गरेका थिए । तर सन् २०१८ मा भएको उनको अप्रत्यासित मृत्युका कारण यो सार्वजनिक हुनसकेको थिएन ।

तस्वीर स्रोतः https://twitter.com/Stratolaunch