यमनमा युद्धरत साउदी सेनालाई जर्मनले दिँदैछ तालिम

यमनमा युद्धरत साउदी अरबका सेनालाई जर्मनले तालिम दिने श्रृखलालाई नरोक्ने बताएको छ । भर्खरै जर्मनले साउदी अरब र आसन्न देशहरुलाई हतियार भनें नबेच्ने घोषणा गरेको हो ।
अहिले प्रथम चरणमा ७ जना साउदी सेनालाई जर्मनले तालिम दिने भएको हो र यस्तो तालिममा मुख्यतया युद्ध रणनिति अनि हवाई सुरक्षा र आक्रमणका कुराहरु पनि प्रयोगात्मक रुपमा सिकाइने बताइन्छ । सन् २०२० मा तालिम दिइने यि ७ जनालाई यसै वर्ष जुलाई बाट जर्मन भाषाको तालिम दिन शुरु गरिने कार्यक्रम छ ।

गतवर्षको साउदी मूलका अमेरिकी पत्रकार खग्गोशीको हत्यामा साउदी राजकुमारको संलग्नता पाइएपछि जर्मन र साउदी बिचको समबन्ध अलिक चिसो भएपनि यस सैन्य तालिमको कुराले जर्मन र साउदी बिचको समबन्धमा नयाँ आयाम दिएको प्रष्ट छ ।
टर्कीमा पनि कुर्दिश सेना संगको युद्धमा अति महत्वपूर्ण र प्रभावकारी मानिएको लेयोपार्ड ट्याकंहरु जर्मन ले नै टर्कीलाई बेचेको हो । मध्यपूर्वका देशहरु लगायत अन्य यूरोपी देशहरुमा समेत जर्मनको हतियारको लोकप्रियता बढ्दो छ । अमेरिका, रसिया, चीन, फ्रान्स र बेलायतसंगै जर्मन पनि विश्वको मुख्य हतियार बेच्ने देशहरुमा पर्दछ ।

यमनको होथी बिद्रोही बिरुद्धमा ईमीराती सरकारले गरेको युद्धमा अहिलेसम्म ७० हजार बढिको मृत्यु भइसकेको छ, यमनको २ करोड ७० लाख जनसख्याँ यस युद्धबाट नराम्ररी प्रभावित छन् ।

लाइभमाण्डु