खबर चीनको जिगंज्यागं प्रान्तको हो । सरकारी कर्मचरी, बिधार्थी र शिक्षकहरुलाई चीनमा रमादानको व्रत नलिन भनेंर जिगंज्याग प्रान्तमा उर्दी जारी गरिएको छ । यसका साथै रेष्टुरेन्टहरुलाई पनि खुल्ला रहन सरकारी आदेश आएको खबर छ ।

आँउदो बिहिवारबाट रमादान शुरु हुँदैछ तर चीनको जिगंज्याग प्रान्तमा भनें यस वर्ष बाट रमादानको व्रतमा प्रतिबन्ध लगाँउदै सरकारी कर्मचारी, शिक्षक र बिधार्थीलाई व्रत नलिन र लिएको पाइएमा कारवाही हुने आदेश दिइएको छ । खाधान्न र ओखती बिभागको यस निर्देशनमा सम्पूर्ण खाधान्न विक्रेता र रेष्टुरेन्टहरुलाई सामान्य समय जस्तै समादान महिनाभरि खुल्ला रहन आदेश दिइएको छ । यस प्रान्तमा उइगुर मुसलमानहरुको बाहुल्यता छ तथापि हरेक वर्ष सरकारी संयन्त्रले रमादानलाई मान्न नदिन बिभिन्न कानुनहरु ल्याउने गर्दछ भनी देश विदेशका मुसलमान समुदायले आरोप पनि लगाएको पाइन्छ । उइगुर मुसलमान समुदाय र अन्य समुदाय बिच यस प्रान्तमा विगतमा सैयौं झडप र सैयौं हत्या भइसकेको इतिहास छ, प्रान्तको सरकारले भनें ईस्लामीक अतिवादी आतंकवादीहरुको यस क्षेत्रमा भय रहेको बताँउदै आएको छ । यस प्रान्तका सरकारी बिधालयहरुमा बिधार्थीहरुलाई मस्जिद जान हुँदैन, मुसलमान रितिरिवाजहरु मान्न हुँदैन भनेंर पनि पढाइने गरेको आरोप उइगुर रिलिफ कंग्रेसका प्रवक्ता डिल्स्याट रेक्सिटले बताए भनी अलजजिराले लेखेको छ ।