नेपालमा म्यागजीनको एक तमासको मोह र चाख छ पाठकवर्गमा । अनि जबजब विशेष शहरिया अनि फेशनका कुराहरु आँउछन् तब तब नेपाली पाठकवर्गले अन्तराष्ट्रिय स्तरका सामाग्री अनि गुणस्तर भनें नपाएको तथ्य आँउदछ ।

नेपाली म्यागजीनको उत्पादनको श्रृखलाको कुरा गर्दा बालपत्रिका मुना, सुनकेस्रा, यूवामञ्च लगायत अन्य थुप्रै म्यागजीन अनि शारदा लगायतका केहि नेपाल र केहि भारतबाट प्रकाशित भएको एतिहासिक म्यागजीनको इतिहास पनि छ । यसैक्रममा म्यागजीनको यसै नक्षत्रमा निकै लामो समयदेखि कार्यरत एक अभ्यस्त समुहले नेपालमा फेशन, ग्ल्यमर अनि सामाजिक सामाग्रीको एउटा विशेष संगालो ल्याउने भएको छ । स्यासी नेपाल म्यागजीनका नाममा यस म्यागजीनको शुरुवात भएको छ र यस्को प्रथम कपिको मुख्यपृष्ठ हामीले यसै आलेखसंग प्रकाशन गरेका छौं ।

दशकौं देखि नेपाली फेशन, ईभेन्ट आयोजना अनि म्यागजीनका क्षेत्रमा कार्यरत समीर धौगोडा, संविधान आर्चाय लगायत अन्य अभ्यस्त समुहहरुको यस स्यासी नेपाल म्यागजीनका संलग्नता रहने भएको छ ।

यस्का अलावा लेखकका रुपमा नेपालमा सर्वाधिक डाउनलोड भएको मोबाइल एप हाम्रो पात्रो का कल्चरल रिर्सचर एवं लेखक र बिभिन्न दैनिक पत्रिकाहरुमा मध्यपृष्ट लेखकका रुपमा देखिइरहेको अनि पढिरहेको लेखक सुयोग ढकालले पनि यस अंग्रेजी म्यागजीनमा आफ्नो आलेख कोर्ने भएका छन् ।

स्यासी नेपाल विशुद्ध नेपालीपना भएको तर विश्वव्यापी जाने सामाग्री र इभेन्टहरुको संगालो हो, व्यबस्थापकीय प्रमुख समीर धौगोडाले बताए । नेपालीपनालाई पूर्नभाषित गर्ने यस अन्तराष्ट्रिय म्यागजीनको सफलताको शुभकामना । प्रथम लुक्समा मुख्य पृष्ठमा मोडल मनिता देवकोटालाई फिचर गरिइएको छ ।

लाइभमाण्डु