नेपाल सेल्स मिशन यूरोप २०१९ सफलतापूर्वक सम्पन्न

नेपाल सेल्स मिशन यूरोप २०१९ सफलतापूर्वक वारसामा मे २७, भियानामा मे २९ र म्यूनिखमा मे ३१मा सम्पन्न भएको छ । नेपाल पर्यटन बोर्डद्वारा आयोजित यस सेल्स मिशनमा दुई नेपाली ट्राभल कम्पनीहरु– द एक्सप्लोर नेपाल र इन्टरटु्र्स नेपालको सहभागिता रहेको थियो ।
सेल्स मिसनको उद्धेश्य नेपाली व्यवसायीहरुले युरोपयन समकक्षी टुर अपरेटरहरुसँग सम्बन्ध विस्तार र ब्यवसाय बृद्धि गरी नेपालमा बढी भन्दा बढी पर्यटक भित्र्याउने रहेको छ ।नेपाल पर्यटन बोर्डका वरिष्ठ प्रबन्धक दिवाकर बिक्रम राणाले उक्त सेल्स मिशनमा गन्तब्य प्रस्तुतीकरण दिनुभएको थियो जसमा नेपालका विभिन्न पर्यटकिय आकर्षणहरु समाबेस गरिएका थिए। उक्त कार्यक्रमहरुमा विभिन्न सञ्चारमाध्यमबाट सहभगिता उल्लेखनीय थियो । सहभागीहरु नेपाल भ्रमण वर्ष २०२० लाई लिएर अभियानका बारेका जान्न उत्सुक देखिन्थे ।

जर्मनीका लागि नेपाली महामहिम राजदूत श्री रमेश प्रसाद खनालले यस किसिमको सेल्स मिशनले यूरोपका पर्यटन ब्यवसायीहरुसँग सम्बन्धमा घनिष्टता ल्याई नेपाली बजार बलियो र विस्तार गर्ने बताए । नेपाल पर्यटन बोर्डद्वारा सेल्स मिशनमा सहभागीहरु मध्येबाट हरेक शहरमा २ जना विजेतालाई नेपाल भ्रमण प्याकेज प्रायोजन गरिएको थियो।  २०१८ मा अन्तराष्ट्रिय पर्यटन आगमन २४.७७ प्रतिशतले बढेर दश लाखको संख्या हाशिल भएको थियो । हालको बृद्धिदर र अन्तराष्ट्रिय प्रबद्र्धनले पर्यटनको सकारात्मक प्रवृत्तिलाई इङ्गित गर्दछ ।

नेपाल पर्यटन बोर्ड