अरुणाञ्चलमा हराएको भारतीय विमान

ए ३२ परिवहन एयरक्राफ्ट भारतको अरुणाञ्चल प्रदेशमा हराएको छ । सोमवार भारतीय वायू सेनाको यो जहाज १३ जना सदस्यसहित हराएको जानकारी छ । जोरहाट आसामबाट मेनुका हवाईअड्डा अरुणाञ्चलका लागि उडेको यस जहाज अहिलेसम्म बेखबर छ । ८जना चालक दलका सदस्य र ५ जना अन्य सहित विमानमा १३ जना रहेको र विमान हराएपछि तिब्र खोजिका लागि भारतीय हवाईसेनाले निकै प्रयास गरिरहेको बताइन्छ । हवाईसेनाले सी १३० जे, एएन ३२ र एमआई १७ हेलिकोप्टरहरु खोजि कार्यका लागि पठाएको छ ।
अनुमान गरिएको संभावित दुर्घटनास्थलमा भनें जहाजको कुनै भग्नावशेष फेला पार्न सकेको छैन । दिन र रात दुबै समयमा भारतीय सेना, नागरीक उड्ययन र हवाई सेना खोजि कार्यमा लागिरहेका बताइन्छ । रक्षामन्त्री राजनाथ सिंहले पनि यस विषयमा सबै यात्रुहरुको कुशलता र शिघ्र उद्धार गर्न पाइयोस भनी वक्तव्य दिइसकेका छन् ।

भारतीय हवाई सेनाले कूल १०५ वटा ए ३२ विमान प्रयोग गर्दछ र यस विमानको संरचनालाई अपग्रेड गर्न समेत कदमहरु चालिएको छ । सन् २००९ मा नै यूक्रेनसंग यी विमानहरुको अपग्रेडका लागि ४०० मिलियन अमेरिकी डलरको भारत सरकारले संझौता गरिसकेको पाइन्छ । ४० वटा विमानको अपग्रेड गरेर यूक्रेनले पठाइसकेको छ । जुन २००५ मा पनि टाटो भन्ने गाँउमा यस मोडलको जहाज दुर्घटना हुँदा ८ जना सैन्य चलाक र ५ जना सर्वसाधरणको मृत्यु भएको थियो । उता जुलाई २०१६ मा पनि चेन्नई बाट पोर्ट ब्लायर का लागि उडेको यस मोडलको जहाज २३ जना यात्रुका साथ उडेपछि अहिलेसम्म कुनै पनि प्रमाण या दुर्घटनाका भग्नावशेष नपाइएको तथ्य छ ।

लाइभमाण्डु