पाकिस्तानका हिन्दु पशु चिकित्सक जो जेलमा छन्

एक महिनाअघिको कुरा हो, पाकिस्तानकी आइसा बेबी नाम गरेकी लोकप्रीय ईसाई , पाकिस्तानी क्रिस्चियन आइसा नउरिनले देश छाडिन् । आइसा अहिले क्यानडामा बसेर पाकिस्तानको भूमिमा भएको अल्पसंख्यक समुदायको कथा ब्यथा वयान गरिरहेकी छिन् । अहिले पाकिस्तान शाषित सिन्ध राज्यका पशु चिकित्सक रमेश कुमार माल्हीलाई सरकारले कारावासमा राखेपछि पाकिस्तानमा अल्पसंख्यक समुदायको अस्तित्व माथिका तर्कनाहरु उठ्न थालेका छन् ।

माल्हीलाई ईस्लाम धर्मलाई कम आँकेको आरोप छ । उन्ले पशुलाई दिएका ओखतीहरु कुरानका पानाहरुमा पोको पारेर दिएको आरोप छ । पवित्र कुरानको अपमान गरेको भन्दै उनीमाथि परेको मुद्धामा सरकारले ब्लासफेमीको आरोप सिद्ध गर्दै उन्लाई जेल चलान गरेको हो ।

केहि वर्ष अघि रमेशको पशु अस्पताललाई पाकिस्तानी मुसलमानको एक अराजक समुहले भत्काई दिए तर त्यस विषयमा कुनै सुनुवाई भएन् । अझ सानो प्रहरी कार्यालयको कारावासमा राख्दा अराजक समुहले माल्हीलाई मारिदिने भयले प्रहरीले माल्हीलाई कडा भन्दा कडा कारावासमा राखेको तथ्य पाइन्छ । सन् १९८७ देखि सन् २०१७ सम्म १५०० जना पाकिस्तानी क्रिस्चियनहरुलाई सरकारले धर्मअपराधको आरोपमा गिरफ्तार गरेको र ७५ जनाको आततायि समुहले बर्बरतापूर्वक हत्या गरेको तथ्य छ ।

कासिफ बजिर नामक मानवअधिकार संगठनका सदस्यले रमेश माल्हीले एकजना सम्पन्न र पहुँच भइका परिवारको बस्तुभाउ हेर्न जान ढिलाई गरेकाले उन्लाई षडयन्त्र गरेर थुनामा पारिएको हुन सक्ने जनाए ।

पाकिस्तानमा लगभग ९० लाख हिन्दु समुदायको वसोवास छ र हिन्दु समुदायहरु पाकिस्तानका सबैभन्दा ठूला अल्पसंख्यक समुदाय हुन् । पाकिस्तानमा पछिल्ला दिनमा हिन्दु या क्रिस्चियन समुदायका जो कोहीलाई पनि धर्मअपराधको आरोप लगाएर थुनामा पार्ने, घर र सम्पति नष्ट गर्ने या अन्य कसैले हडप्ने चलन बढ्दो छ ।

लाइभमाण्डु