Lifestyle Portal
  •   १७ मंसिर २०७८, शुक्रबार

ध्वाँसे चितुवाबारे प्रस्तावना विश्वको उत्कृष्ट ५ मा, परियोजना सफल बनाउन भोट गर्नुहोस्

२२ आश्विन २०७६, बुधबार ०८:३१

लोकप्रिय

अहिले नेपालले तयार गरेको ‘ध्वाँसे चितुवा’ सम्बन्धी प्रस्तावना विश्वभरमा उत्कृष्ट ५ भित्र परेको छ । ‘युरोपियन आउटडोर कन्जरभेसन एसोसिएसन’ का विज्ञ समूहले मूल्याङ्कन गरेर ‘पहाड तथा वन’ समूह अन्तर्गत यस प्रस्तावनालाई उत्कृष्ट ५ भित्र पारेको हो । यसलाई पब्लिक भोटिङका लागि राखिएको छ ।

अनलाइन भोटको आधारमा उत्कृष्ट एकमा परे ‘प्रकृतिका साथीहरू’ संस्थाले करिब ३७ लाख बराबरको अनुदान पाउने छ । त्यो रकम कास्की जिल्लाको मादी गाउँपालिकामा ध्वाँसे चितुवा संरक्षणको लागि खर्च गरिनेछ । विशेष गरी सिक्लेस, ताङतीङ लगायतका गाउँहरू सो सहयोगबाट लाभान्वित हुनेछन् ।

सो परियोजनालाई बहुराष्ट्रिय ‘लोवी अल्पाइन’ नामक ट्रेकिङ ब्याग सम्बन्धी कम्पनीले मनोनयन तथा भोटिंगमा सहयोग गरि रहेको छ l
नेपालको परियोजना सँगै एक्वोडरको बिरुवा, मेक्सिकोको सुगा, कम्बोडियाको वन, आर्मेनियाको भालु सम्बन्धी परियोजना पनि सो समूहमा रहेका छन् ।

नेपालको तर्फबाट सो परियोजनाको नेतृत्व ध्वाँसे चितुवाको नामले परिचित दोलखा निवासी अनुसन्धानकर्मी यादव घिमिरे र कास्कीका ‘उल्लु सर‘ भनेर चिनिने संरक्षणकर्मी राजु आचार्य सहितको समूहले गरिरहेका छन् । दुवै जना नेपाल भित्र र बाहिर वन्यजन्तुको अनुसन्धान र संरक्षणका काममा स्थापित नाम हो ।

उनीहरू आबद्ध ‘प्रकृतिका साथीहरू’ संस्थाले विगत १५ वर्षदेखि नेपालमा वन्यजन्तुको अनुसन्धान/संरक्षण, वन कार्बन, ग्रिन स्कुल, युवाहरूलाई तालिम, लाटोकोसेरो उत्सव लगायतका मुद्धाहरुमा काम गर्दै आएको छ । जंगली चौरी, सुनौलो बिरालो, सिलु बिरालो लगायत ३ प्रजातिका चराहरू नेपालमा पहिलो पटक पत्ता लगाएको थियो । अनुसन्धान र संरक्षणको लागि सो संस्था राष्ट्रिय र अन्तर्राष्ट्रिय पुरस्कारबाट समेत सम्मानित छ ।

भोटिङ कसरी गर्ने?

दुई हप्ताको लागि खुला गरिएको भोटिङ आजबाट कार्तिक ४ सम्म भोट गर्न पाइने छ । आफूसँग उपलब्ध भएको उपकरण (मोबाइल, ल्यापटप, डेस्कटप कम्प्युटर) प्रयोग गरेर एक उपकरणबाट एक भोट गर्न सकिने छ। पैसा तिरेर बुस्ट भने गर्न पाइनेछैनl भोटको लागि यो लिङ्क https://www.outdoorconservation.eu/project-voting-category.cfm?catid=5 खुले पछि केहि तल जानुपर्छ र दोश्रो परियोजना नेपालको हो l परियोजनाको नाम Protect the Clouded Leopard, Nepal भनेर लेखिएको छ l ल्यापटप वा कम्प्यूटर भए दायाँ तिर र मोबाईल भए परियोजनाको तल पट्टिको VOTE भनेर लेखिएको मा क्लिक गर्न सकिन्छ l त्यसपछि खुलेको पेजमा (I am not robot) र (I have read…) को अगाडी रहेको बक्समा टिक गर्ने र अन्तमा रहेको Cast your vote मा क्लिकगरेर भोट गर्न सकिन्छ l कहिले काँही विभिन्न फोटोहरु दिएर भेरिफाई गर्न पनि भन्न सक्छ l

प्रतिक्रिया दिनुहोस !
Loading comments...
सम्बन्धित खबरहरु

हाल नेपालमा अरब सागरमा बनेको निम्न चापीय क्षेत्रको आंशिक प्रभाव रहेको छ। प्रदेश नं १ मा आंशिक देखि सामान्य बदली

रुपन्देही, प्रहरी महानिरीक्षक शैलेश थापा क्षेत्रीले लुम्बिनी प्रदेश प्रहरी तालिम केन्द्र बुटवल रुपन्देहीको परिसरमा नवनिर्मित बहुउद्देश्यीय भवनको बिहीबार आयोजित एक

भारत सरकारको आर्थिक सहयोगमा निर्माण हुन लागेको बुटवलस्थित श्री नहरपुर माध्यमिक विद्यालयको नयाँ भवनको शिलान्यास रुपन्देहीस्थित श्री नहरपुर माध्यमिक विद्यालयको

आयुर्वेद दिवसको उपलक्ष्यमा स्वामी विवेकानन्द सांस्कृतिक केन्द्र, भारतीय राजदूतावास, काठमाडौं र आयुर्वेद क्याम्पस, चिकित्सा शास्त्र अध्ययन संस्थान, त्रिभुवन विश्वविद्यालयले संयुक्त