Lifestyle Portal
  •   २३ असार २०७९, बिहीबार

खड्ग दाइ चिरञ्जीवी हुनुपर्छ: नरेन्द्रराज प्रसाई

२१ फाल्गुन २०७६, बुधबार १३:५९

खड्गप्रसाद वलीलाई दाइ भन्दा पनि मलाई गौरवीबोध हुन्छ । किनभने उहाँको साक्षात जीवनी मैले पढेको छु । धुलोबाट उठेर उहाँ प्रधानमन्त्री बन्नुभयो; त्यो बेहोराबाट म अति प्रेरित छु ।

खड्ग दाइको मन सानो छैन । उहाँको दिल जति ठूलो भए पनि उहाँलाई साँगुरिन बाध्य पार्ने एउटा अदृश्य समूह हुनुपर्छ भन्ने मलाई लागिरहेको छ र त्यसै समूहले नै उहाँको फराकिलो मैदान खोस्न सफल भएको छ भन्ने मेरो बुझाई रहेको छ ।

खड्ग दाइको मन अति नरम छ । उहाँसँग म ५० वर्षदेखि नै परिचित छु । उहाँमा मैले घमण्ड, अहङ्कार र तामस देखेकै थिएन । उहाँले सधैँ प्राय: बोलेका कुरा पनि पुर्याउनु हुन्थ्य‍ो । तर पछिल्ला दिनमा उहाँको छेउभित्तामा असजिला मान्छेहरूको पदार्पण भएको छ भन्ने मभित्र अनुभूत हुनथाल्यो ।

खड्ग दाइ कति संवेदनशील हुनुहुन्छ भन्नेको एउटा प्रमाण पनि म पेस गर्न चाहन्छु । एक पटक उहाँले हामी नइलाई बोलाउनु भयो; इन्दिरा र म प्रधानमन्त्री निवास बालुवाटार पुग्यौँ । उहाँले हामीलाई अति माया र सम्मान गर्नु हुन्थ्यो र त्यस दिन पनि त्यसै गर्नुभयो । हामी उहाँलाई भेट्न गएको हाम्रो कामबारेको त्रिमूर्ति निकेतनको पत्र उहाँ छेउ उभिएर इन्दिराले पढिरहेकी थिइन् । उहाँले तुरून्तै उहाँका अङ्गरक्षकलाई भन्नुभयो- “इन्दिरालाई कुर्सी ल्याइदिनु ।” अनि तुरन्तै अङ्गरक्षकले कुर्सी ल्याइदिए ।

मेरा आदरणीय खड्ग दाइको मिर्गौला प्रत्यारोपण सफल होस् । खड्ग दाइले यो देशको भत्केको खाल्डो पुर्नुपर्छ र चिथोरिएको घाउका डोबहरू टाल्नुपर्छ । उहाँ एउटा दलको मात्र प्रधानमन्त्री नभएर समस्त राष्ट्रकै प्रधानमन्त्री बन्नुपर्छ । उहाँ मुलुककै गौरवी प्रधानमन्त्रीमा अभिलिखित हुनुपर्छ । अनि नेपालको इतिहासमा उहाँको उच्चस्तरीय छवीको गाथा समेत लेखिनुपर्छ ।

सम्माननीय प्रधानमन्त्री खड्गप्रसाद वलीका प्रेरणाले आफ्नै राष्ट्रमा उपचार गर्न नेपालका सबै नेताको मति जागोस् !
~
भगवान् श्रीपशुपतिनाथसँग मेरो प्रार्थना छ- “खड्ग दाइ चिरञ्जीवी हुनुपर्छ ।”

प्रतिक्रिया दिनुहोस !
सम्बन्धित खबरहरु

असार १९, वीरगंज । विश्व हिन्दू परिषद् नेपाल, पर्सा निकट युवाहरुद्वारा पर्सा जिल्लाको वीरगञ्ज महानगरपालिकामा विरोध प्रदर्शन गरिएको छ ।

भारत सरकारको अनुदान सहयोग अन्तर्गत नेपालका विविध हितग्राही संस्थाहरुलाई ७५ वटा एम्बुलेन्स र १७ वटा विद्यालय बस उपहार प्रदान गरिएको

नेपालका लागि नवनियुक्त भारतीय राजदूत नवीन श्रीवास्तवले आज राष्ट्रपति भवन, शितल निवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारी

नेपालका लागि नव–नियुक्त भारतीय राजदूत महामहिम नवीन श्रीवास्तव आज काठमाडौं आइपुग्नुभएको छ । श्रीवास्तव करियर कूटनीतिज्ञ हुनुहुन्छ । काठमाडौं आउनु