Lifestyle Portal
  •   ३१ श्रावण २०७९, मंगलवार

तीव्र गतिमा निर्वाचनको तयारी सुरु, नयाँ मतदाता नामावली थपिँदै

७ माघ २०७७, बुधबार १९:५२

काठमाडौं। जिल्ला निर्वाचन कार्यालय काभ्रेले निर्वाचन आयोगको मतदान स्थल तथा मतदान केन्द्र पुनरावलोकन कार्यक्रम २०७७ अनुसार सुरु गरेको छ । आजदेखि आवश्यक तयारीको प्रारम्भिक कामलाई अगाडि बढाएको हो ।

पहिलो चरणको काम मतदानस्थल र केन्द्रको अवस्था तथा स्थानीय तहहरुबाट आएको औपचारिक पत्रसहितको सुझावका आधारमा छलफल गरी निर्वाचन आयोगमा सिफारिस गर्ने काम अगाडि बढाएको जिल्ला निर्वाचन कार्यालयका निर्वाचन अधिकारी उमेशकुमार राईले जानकारी दिए । सो क्रममा नेकपाका प्रतिनिधि नारायण पाण्डे र कांग्रेसका प्रतिनिधि महेश पौडेलले निर्वाचन कार्यालयले गरेको आग्रहका आधारमा स्थानीय तहहरुले पठाएको आधिकारिक पत्रबाहेक अरु मतदानस्थललाई अहिलेका लागि नचलाउन सुझाव दिए ।

छलफलका क्रममा मतदानस्थल र केन्द्रसँगै जिल्ला निर्वाचन कार्यालयले मतदाता नामावली अद्यावधिकका लागि दाबी विरोध कार्यक्रमअनुसार यही माघ १५ देखि २६ गतेसम्म स्थानीय तहका केन्द्र र जिल्ला निर्वाचन कार्यालय धुलिखेलमा सञ्चालन हुने जनाइएको छ । मतदानका लागि अन्तिम मतदाता नामावली तयार गर्नका लागि शुद्ध मतदाता नामावली तयार गर्न त्रुटि सच्याउने र दोहोरो भएको पाइएमा हटाउने कार्यका लागि नामावली अद्यावधिक गर्ने कार्यक्रम सञ्चालन गर्न लागिएको हो ।

विसं २०७४ को निर्वाचनमा काभ्रेमा दुई लाख ७२ हजार २९२ मतदाता संख्या रहेकामा अहिले दश हजार २६३ जना थप भएको कार्यालयले जनाएको छ । अद्यावधिक चुनाव गर्ने बेलामा त्रुटि सच्याउने र दोहोरो हटाउँदा संख्यामा केही कमी आउन सक्ने निर्वाचन अधिकारी राईले बताए । प्रमुख जिल्ला अधिकारी शिवराम पोखरेलले मतदाता नामावली अद्यावधिक गर्ने राज्यबाट चलाइएको अभियानमा सबै तहबाट सहयोग गर्न आग्रह गरे ।

प्रतिक्रिया दिनुहोस !
सम्बन्धित खबरहरु

भारतीय राजदूतावास, काठमाडौंले यही श्रावण ३० गते भारतको ७६ औं स्वतन्त्रता दिवस मनायो । यो कार्यक्रम भारत स्वतन्त्रताको ७५ वर्षको

काठमाडौं । हिमालयन टेलीभिजनका प्रधानसम्पादक पत्रकार राजेन्द्र बानियाँले देशका सञ्चारमाध्यमहरु युवाहरुको आवाज बन्नुपर्ने बताउनु भएको छ । अन्तराष्ट्रिय युवा दिवसको

काठमाडौं । राष्ट्रिय सभाका अध्यक्ष सम्मननीय गणेश प्रसाद तिमल्सिनाले देशको राजनीतिमा युवाको हस्तक्षेपकारी भुमिका भएमात्र परिवर्तन सम्भव हुने बताउनुभएको छ

पर्वको बहानामा अराजकता फैलाएको भन्दै ‘विश्व हिन्दू परिषद् नेपाल’द्वारा जिल्ला प्रशासन कार्यालय पर्साका प्रमुख जिल्ला अधिकारीलाई ध्यानाकर्षण गराएको छ ।