पन्जाबमा महिला शिक्षा निशुल्क

पन्जाबमा क्याप्टेन अमरेन्द्र सिंह नेतृत्वको सरकार छ । अहिले पन्जाबमा महिलाहरुलाई बिधायस्तररिय शिक्षादेखि पीएचडीसम्म निशुल्क शिक्षाको प्रावधान ल्याइएको छ, प्रान्तिय सरकारको यो कदमलाई सर्वत्र चर्चा अनि समर्थन गरिएको छ ।

आगामी शैक्षिकसत्र वाट त पुस्तक र कापीहरु पनि निशुल्क दिने प्रावधान भएको क्याप्टेन अमरेन्द्र सिंहले बताएका छन् । १३ हजार प्रार्थमिक बिधालय र ४८ कलेजहरुमा निशुल्क वाईफाई लगायत अनलाईनमा पुस्तकहरु निशुल्क डाउनलोड गरेर पढ्न पाउने प्रावधान पनि भएको बताइन्छ । सरकारी बिधालयमा नर्सरी र एलकेजी लगायतका प्रारभ्मिक वाल बिकासका कक्षाहरु पूर्न परिचित गराउने पनि सरकारको योजना छ ।

यस सरकारको चुनावी वाचा अनुरुप सबै कुरा पूर्ण गर्दै आएको जानकारी गराइएको छ । गरिब र धनीको विभेद हटाउन शिक्षालाई जोड दिइएको प्रान्तिय सरकारको वक्तव्य छ । सरकारी बिधालयहरुको शिक्षण भाषाचाँही अग्रेजी हुने बताइन्छ । दलितहरुलाई भारु ५०,००० सम्मको लोन पाउने सुविधा पनि सरकारले ल्याएको छ । आर्थिक रुपमा कमजोर परिवारलाई न्यून मुल्यमा घर बनाउने र स्वाथोपचारमा पनि निशुल्क गर्ने सरकारको योजना रहेको बताइन्छ । पन्जाबको साक्षरता प्रतिशत लगभग ७६ प्रतिशत छ र भारतको औसत साक्षरता दर भनें ७३ प्रतिशत छ । लगभग १ बरोड ८८ लाख जनसख्याँ भएको पन्जाबमा पुरुष साक्षरता दर ८० दशमलव ४४ प्रतिशत र महिला साक्षरता दर ७० दशमलव ७३ प्रतिशत छ ।

नेपालले पनि पन्जाववाट केहि सिक्ने हो कि ?

सुयोग ढकाल

लाइभमाण्डु