यस्तो छ आजको मौसम

काठमाडौं । काठमाडौं उपत्यकामा आज बिहानको न्यूनतम तापक्रम ७ डिग्री सेल्सियस रहेको छ । दिउँसो बढेर १९–२१ डिग्री सेल्सियस पुग्ने मौसमविद् राजु प्रधानाङ्गले जानकारी दिए

“अहिले बिहान सामान्य हुस्सु रहेको काठमाडौं उपत्यकामा दिउँसोसम्म फाटेर जाने र अपरान्हपछि मौसममा बदली रहेको छ,” मौसमविद् प्रधानाङ्ग भन्छन् ।
प्रदेश–१, वागमती प्रदेश, गण्डकी प्रदेश र लुम्बिनी प्रदेशका पहाडी भू–भागमा मौसम आंशिक बदली रहने छ भने प्रदेश–१ को पहाडी भू–भागका केही स्थानमा हल्का वर्षाको सम्भावना रहेको मौसमविद् प्रधानाङ्गले जानकारी दिए ।

तराईका केही स्थानमा बिहान तुवाँलो लागे पनि मध्यान्हसम्म फाटेर मौसम सफा हुने उनले बताए । तराईका जिल्लाामा हुस्सुसँगै तापक्रममा कमी आउने भएकाले चिसोबाट बच्न सावधानी अपनाउन जल तथा मौसम विज्ञान विभागले आग्रह गरेको छ ।