Lifestyle Portal
  •   ३ कार्तिक २०७८, बुधबार
NRB

राष्ट्र बैंकद्वारा ५० करोडको बैदेशिक रोजगार बचतपत्रको विक्रीआह्वान

११ जेष्ठ २०७८, मंगलवार २२:१६

काठमाडौं । नेपाल राष्ट्र बैंकले ५० करोड रुपैयाँ बराबरको बैदेशिक रोजगार बचतपत्रको बिक्री आव्हान गरेको छ । राष्ट्र बैंकका अनुसार यही जेठ १३ गतेबाट पाँच वर्षे अवधिको बैदेशिक रोजगार बचतपत्र २०८३ (पाँच बर्षे) को बिक्री आह्वा गरिएको हो ।

बिक्री खुल्ला हुने अवधि यही जेठ १३ गतेदेखि २०७८ असार तीन गतेसम्म तोकिएको बचतपत्रको निष्काशन मिति भने २०७८ असार आठ गते तोकिएको छ । राष्ट्र बैंकका अनुसार बचतपत्रको सावाँ भुक्तानी मिति २०८३ असार आठ गते तोकिएको छ ।

वार्षिक १० प्रतिशत व्याजदर तोकिएको र व्याजकर लाग्ने बचतपत्रको व्याज भुक्तानी प्रत्येक छ र छ महिनामा हुुनेछ । राष्ट्र बैंकका अनुसार बैदेशिक रोजगारीमा संलग्न नेपाली नागरिक तथा गैर–आवासीय नेपालीहरुले बचतपत्र खरिदको लागि आवेदन दिन सक्ने छन् ।

खरिद गर्न पाउने सीमा घटीमा १० हजार रुपैयाँ र बढीमा १० हजारले भाग गर्दा निःशेष भाग जाने गरी आह्वान गरिएको रकमसम्म तोकिएको राष्ट्र बैंकले जानकारी दिएको छ । यो बचतपत्र मुलुक बाहिर रोजगारीमा संलग्न वा मुलुक बाहिरको रोजगारीबाट फर्केको चार महिना नपुगेका नेपाली नागरिक वा गैर–आवासीय नेपालीले आफू वा आफ्नो परिवारको सदस्य (बुवा, आमा, श्रीमान्, श्रीमती, छोरा, छोरी मात्र) को नाममा खरिद गर्न सक्ने छन् ।

राष्ट्र बैंकका अनुसार खरिद गरिएको बचतपत्र धितो राखी बैंक तथा वित्तीय संस्थाबाट कर्जा लिन तथा दिन समेत सकिने छ । बचतपत्र खरिदको लागि सिटिजन्स बैंक इन्टरनेशनल, नबिल बैंक, सेञ्चुरी कर्मसियल बैंक, प्रभु बैंक, सिटी एक्सप्रेस, प्रभु मनी ट्रान्सफर सहितका १२ वटा संस्थाहरु तोकिएको राष्ट्र बैंकले जानकारी दिएको छ ।

 

प्रतिक्रिया दिनुहोस !
Loading comments...
सम्बन्धित खबरहरु

राष्ट्रिय आयलाई अति निर्धनहरूसम्म पुर्र्याउने अनेक प्रभावकारी तरिकहरू मध्ये एक साना व्यापार वा सडक व्यापार हो। सडक वा साना व्यापारको

नेपाली युवा युवतीहरू रोजगारीका लागि बिदेश किन जान्छन भनी प्रश्न गर्ने हो भने सबैले दिने उत्तर एउटै हुन्छ र त्यो

के त्यस्ता तत्वहरू छन् जसले हामीलाई गरिब तुल्याइ रहेका छन्? गरिबीबाट मुक्ति पाउन के गर्नु पर्छ? यी प्रश्नहरू कम्युनिष्ट नेतालाई

नेपालमा ज्यादै चल्ने विचारहरू मध्ये बामपन्थी बिचार पनि एक हो। अर्को शब्दमा भन्ने हो भने यो विचार अहिले अग्रपङ्कतिमा छ।