Lifestyle Portal
  •   २३ फाल्गुन २०७७, आईतवार

सिरियामा भेटिएको अहिलेसम्मकै सबैभन्दा ठूलो मानव चिहान

१२ फाल्गुन २०७५, आईतवार १५:००

मासमर्डर अर्थात धेरैजना मान्छेहरुको एकै ठाँउमा हत्या र यस्ता मासमर्डरहरु युद्धका बेलामा निकै गरिन्छ । कुरा गरौं सिरियाको जुन देश एउटा भिषण गृहयुद्धबाट बल्ल माथि उठिरहेको छ, अझै पनि युद्धको चपेटामा रहिरहेको छ । सिरियामा लाखौं सिरियनहरुले ज्यान गुमाए अनि अझै पनि बेला बखतमा त्यहाँ नयाँ नयाँ सामुहिक चिहानहरु फेला पर्दछन अनि उत्खनन गरिन्छ त्यहाँ मारिएका मानवहरुको कंकाल अनि उनीहरुको नसुनिएको वेदनाहरु । रक्का एउटा सिरियन शहर हो जहाँको एउटा खाली र सुनसान खेतभन्दा २ मिटर मुनी बनाइएको एउटा गोप्य ठाँउमा एकजमानामा आइसीस अर्थात इस्लामीक स्टेट ग्रुपको सदरमुकाम रहेको र त्यहाँ कम्तीमा पनि ३५०० मान्छेहरुको सामुहिक चिहान रहेको तथ्य फेला परेको छ ।

गत महिना मात्रै अन्वेषण टोलीले अल फुकेइकामा रहेको सामुहिक चिहान पत्ता लगाएको थियो, त्यस ठाँउबाट १२० भन्दा धेरै नरकंकालहरु निकालिएको थियो । सिरियाका ध्वस्त शहरहरुमा लडेका घरहरुका अवशेषमा अहिले पनि सैयौं मानव शरीरहरु रहेका र दुर्गन्ध आउने त्यहाँ बसोवास गर्ने मान्छेहरुले जनाएका छन् । यस्ता सामुहिक चिहानको कुरा गर्दा त्यहाँ दुई प्रकारका चिहान रहेको फोरेन्सीक एक्सपर्ट असाद मुहम्मदले बताँउदछन् । एकखाले चिहान केवल एकजनाका लागि बनाइएको हुन्छ जहाँ उत्खनन गर्दा एउटा मात्र नरकंकाल हुन्छ भनें अर्को चिहानमा सैयौं लाहरु एकै ठाँउमा खप्टीएका हुन्छन् ।

अहिलेसम्म सिरिया आसपासमा ९ वटा सामुहिक चिहान फेला परेको र ९०० वटा नरकंकाल भेटिएको एउटा सामुहिक चिहानको नाम भनें पानोरामा राखिएको तथ्य छ । अहिले भेटिएको चिहान चाँही आईएस सन् २०१४ मा सिरिया आएपछिको सबैभन्दा ठूलो चिहान रहेको बताइन्छ । यसरी मानव कंकालहरुलाई उत्खनन गरिएपछि लगेर राम्रोसंग धार्मिक चिहानस्थलमा शदगत गरिने चलन छ । रक्काको चिहानस्थल बाट उत्खनन गरिएको ३५०० नरकंकालमध्य ५६० कंकाल भनें बिभिन्न प्रमाणले पत्ता लगाएर उनीहरुको परिवारलाई जिम्मा दिएको बताइन्छ । अबका बाँकी नरकंकलहरुमा आइएसले बन्दी बनाएका धेरै विदेशी नागरीकहरु पनि भएको आशंका छ ।

यिनमा अमेरिकी पत्रकार जेम्स फोले, केया मुलरहरु पनि रहेको आशंका छ । उनीहरुलाई मारिएको भिडियो फुटेज हेर्दा रक्काको बन्दीगृह जस्तो भएको आशंका गरिएको छ, कंकालहरुको कपडा र शरीर चिन्न सक्ने अवस्थामा नभएकाले यसै पहिचान संभव नभएको बताइन्छ ।सिरियाका सम्पूर्ण मृतकहरुलाई परमेश्वरले आफुमा समाहित गरुन् । विश्वमा अमन चैनको प्रार्दुभाव होस्, अब यस्तो युद्ध देख्न अनि भोग्न नपरोस् ।

लाइभमाण्डु

प्रतिक्रिया दिनुहोस !
Loading comments...
सम्बन्धित खबरहरु

काठमाडौं। एक निर्लज्ज जोडीले सार्वजनिक पार्कमा थुप्रै मानिसहरु र कैयौं परिवारकै अगाडि खुल्लमखुल्ला यौनसम्बन्ध राखिरहेको देखिएपछि त्यहाँका सर्वसाधारण आक्रोशित भएका

चिन्तामणि शिवाकोटी। सम्मानित केन्द्रीय बैंकको गरिमामय डेपुटी गभर्नरको पदको कार्यकाल पुरा गरी मिति २०७७ फाल्गुण १८ देखि सेवानिवृत्त भएको छु

काठमाडौं। गिना स्टेवार्टले आफू हजुरआमा भएको बताउँदा मानिसहरुले विश्वास गर्दैनन् । उमेरलाई चुनौती दिने यी मोडल संसारकै हट हजुरआमाको रुपमा

जुन दिन तपाई आफ्नो पूरा जिम्मेवारी लिनु हुन्छ, जुन दिन तपाई बहाना बनाउन बन्द गर्नुहुन्छ, त्यसै दिन तपाई शिखरतिरको यात्रा